अमळनेरात चारीत्र्याच्या संशयावरून पत्नीचा खून

Amalner taluka rocked by murder : Wife’s murder on suspicion of character: Accused husband arrested अमळनेर : शहरातील मुंबई गल्लीत 35 वर्षीय विवाहितेचा पतीने चारीत्र्याच्या संशयातून गळा आवळून खून केल्याने अमळनेर तालुक्यात खळबळ उडाली आहे. आरोपीने सुरूवातीला पत्नीने गळफास घेतल्याचा बनाव केला मात्र तपासात हा बनाव उघडा पडला. देविदास उर्फ सूर्यकांत आत्माराम चौधरी असे अटकेतील आरोपीचे नाव योगीता देविदास चौधरी (35, अमळनेर) असे खून झालेल्या विवाहितेच नाव आहे.

दारूचे व्यसन त्यात पत्नीच्या चारीत्र्यावर संशय
धुळे जिल्ह्यातील शिंदखेडा तालुक्यातील वारूळ येथील माहेर असलेल्या योगीता चौधरी हिचा अमळनेरच्या देविदास उर्फ सूर्यकांत चौधरी याच्याशी विवाह झाल्यानंतर मुलबाळ नसल्याने दारूच्या आहारी गेलेल्या देविदासकडून सातत्याने चारीत्र्यावर संशय घेवून छळ सुरू होता. यास कंटाळून पत्नी सुरत येथे नातेवाईकांकडे गेली होती मात्र पतीकडून होणार्‍या बदनामीला कंटाळून पुन्ही ती पतीकडे गैरसमज दूर करण्यासाठी आल्यानंतर गुरुवार, 8 रोजी आरोपीने पत्नीचा गळा आवळला मात्र प्रकरण अंगावर येईल म्हणून त्याने पत्नीने गळफास घेतल्याचा बनाव केला व ती गळफास घेताच खाली पडली, अशी खबर दिली.

भावाचा संशय ठरला खरा
मयत विवाहितेचा भाऊ दिनेश आत्माराम चौधरी व इतरांना योगीताच्या गळ्यावर सर्व बाजूने दोरी आवळल्याचे व्रण दिसले तसेच गळ्यावर ओरखडल्याच्या खुणा व नाकातून देखील रक्त येताना दिसल्याने संशय बळावला शिवाय छताला कुठेच दोरी लटकलेली अथवा तुटलेली दिसली नाही. योगीताचा खून झाल्याची खात्री दिनेशला झाल्याने त्याने रात्री उशिरा अमळनेर पोलीस स्टेशनला फिर्याद दिल्याने 9 रोजी पहाटे पती सूर्यकांत विरुद्ध खुनाचा गुन्हा दाखल करण्यात आला. पुढील तपास पोलीस निरीक्षक जयपाल हिरे यांच्या मार्गदर्शनाखाली पोलीस उपनिरीक्षक अनिल भुसारे करीत आहेत.