अमळनेर उपमुख्याधिकारी यांच्यावर चाकू हल्ला !

अमळनेर: अमळनेर नगरपालिकेचे उपमुख्याधिकारी संदीप गायकवाड यांच्यावर काल रात्री अज्ञात व्यक्तीने चाकू हल्ला केल्याची खळबळजनक घटना घडली. दरम्यान संदीप गायकवाड यांना जखमी अवस्थेत धुळे येथील खाजगी रुग्णालयात दाखल करण्यात आले आहे, तेथे त्यांच्यावर उपचार सुरु आहे.

धुळे रोडवरील साई हॉटेलजवळ नाशिक येथे जाण्याकरिता उभे असताना तीन अज्ञात व्यक्तीने मोबाईल हिसकविण्याचा प्रयत्न केला. त्यानंतर त्यांच्यावर चाकू हल्ला केला. हल्ला करून हल्लेखोर दुचाकी क्रमांक ७५०३ ने फरार झाले.