अमळनेर फार्मसी कॉलेजच्या विद्यार्थ्यांची रुग्णालयांना भेटी

अमळनेर – डी. फार्मसी अभ्यासक्रमाचे शिक्षण पूर्ण करून विद्यार्थ्यांना रुग्णालयांमध्ये फार्मासिस्ट म्हणून रोजगाराच्या खूप संधी उपलब्ध आहेत. पुस्तकी ज्ञानासोबतच विद्यार्थ्यांना प्रत्यक्षात रुग्णालयात असलेल्या विविध विभागांचे कामकाज कसे चालते याचा अनुभव व्हावा म्हणून अमळनेर येथील खा. शि. मंडळ संचलित कॉलेज ऑफ फार्मसीच्या द्वितीय वर्षाच्या विद्यार्थ्यांनी महाराष्ट्र शासन संचलित ग्रामीण रुग्णालय, अमळनेर व नर्मदा मेडिकल फाउंडेशन संचलित रुग्णालय व साने गुरुजी क्रिटीकल केअर सेंटर (ICU)ला भेट दिली.

यात विद्यार्थ्यांना ग्रामीण रुग्णालयात असलेले आयुष विभाग, क्षय-रोग विभाग, एच. आय. व्ही.(ART) विभाग, बाह्य रुग्ण विभाग, आंतर रुग्ण विभाग, औषधी वितरण विभागांची ओळख होऊन प्रत्यक्षात कामकाज अनुभवता आले, तसेच तज्ञ सर्जन डॉ. अनिल शिंदे यांच्या नर्मदा मेडिकल फाउंडेशन संचलित क्रिटीकल केअर सेंटर मध्ये असलेली आधुनिक आरोग्य सेवा प्रणालीची जवळून ओळख झाली. डॉ.महेश रासुरे, डॉ. संदीप जोशी, ग्रामीण रुग्ण्यालायाचे डॉ.पी.के.ताळे, डॉ.तुषार शेलकर यांनी विद्यार्थ्यांना मोलाचे मार्गदर्शन केले.

या यशस्वी रुग्णालय भेटी साठी प्राचार्य रवींद्र गंगाराम माळी, प्रा. अनिल बोरसे, प्रा. रुपाली पाटील, ज्ञानेश्वर चौधरी व पंकज पवार यांनी परिश्रम घेतले.
खा.शि.मंडळाचे कार्याध्यक्ष निरज अग्रवाल, फार्मसी चे चेअरमन योगेश मुंदडे व मंडळाचे सर्व पदाधिकारी यांनी प्राचार्य,शिक्षक व विद्यार्थ्यांचे अभिनंदन केले.