अरुण जेटलींची प्रकृती चिंताजनक !

नवी दिल्ली: माजी अर्थमंत्री आणि भाजपचे ज्येष्ठ नेते अरूण जेटली यांच्यावर गेल्या काही दिवसांपासून ‘एम्स’मध्ये उपचार सुरु आहे. दरम्यान आता त्यांची प्रकृती चिंताजनक असल्याचे सांगण्यात येत आहे. ‘एम्स’मध्ये त्यांच्यावर उपचारासाठी तज्ज्ञ डॉक्टरांचे पथक नेमण्यात आले आहे. जेटली यांना ९ ऑगस्टला एम्समध्ये दाखल करण्यात आले होते. सध्या त्यांच्यावर अतिदक्षता विभागात उपचार सुरू आहेत. श्वसनाचा त्रास होत असल्यानं त्यांना व्हेंटिलेटरवर ठेवण्यात आल्याचं सांगण्यात येत आहे. काल, शुक्रवारी रात्री उशिरा केंद्रीय गृहमंत्री अमित शहा आणि केंद्रीय आरोग्य मंत्री हर्षवर्धन हे एम्समध्ये पोहोचले. त्यांनी जेटली यांच्या प्रकृतीची विचारपूस केली. त्याआधी शुक्रवारी सकाळी राष्ट्रपती रामनाथ कोविंद आणि संध्याकाळी उत्तर प्रदेशचे मुख्यमंत्री योगी आदित्यनाथ हे एम्समध्ये गेले होते.