अल्पवयीन मुलीला फूस लावून पळविले : जळगावातील घटना

जळगाव : जळगाव शहरातील एका भागात राहणार्‍या 16 वर्षीय अल्पवयीन मुलीला फूस लावून पळवून नेल्याप्रकरणी रामानंद नगर पोलीस ठाण्यात दोन जणांविरोधात गुन्हा दाखल करण्यात आला.

दोघांविरोधात गुन्हा दाखल
जळगाव शहरातील एका भागात 16 वर्षीय मुलगी आपल्या कुटुंबियांसह राहते. बुधवार, 3 नोव्हेंबर रोजी रात्री 8 ते 10 वाजेच्या दरम्यान सुयश लोढा आणि ओम लाठी (पूर्ण नाव माहित नाही) यांनी मुलीला तिच्या राहत्या घरातून फूस लावून पळवून नेल्याचा आरोप आहे. मुलीच्या नातेवाईकांनी शोधाशोध केली असता मुलगी कुठेच आढळून आली नाही. मुलीच्या आईने रामानंद नगर पोलीस ठाण्यात संशयीत आरोपी सुयश लोढा आणि ओम लाठी यांनी फूस लावून पळवून नेल्याची तक्रार दिली. त्यांच्या तक्रारीवरून गुरुवार, 4 नोव्हेंबर रोजी दुपारी चाचर वाजता रामानंदनगर पोलीस ठाण्यात दोघांवर गुन्हा दाखल करण्यात आला. पुढील तपास हवालदार विजय शिरसाठ करीत आहेत.