अल्लाउद्दीन खिलजीचा रणवीरच्या खासगी आयुष्यावर परिणाम

दिदर्शक संजय लीला भन्साळी यांच्या बहुचर्चित ‘पद्मावती’ सिनेमात रणवीर सिंहने अलाउद्दीन खिलजीची महत्त्वपूर्ण भूमिका साकारली आहे. मीडिया रिपोर्टनुसार, रणवीर सिंह याच्यावर त्या भूमिकेचा इतका पगडा होता की, सिनेमाच्या शूटिंगनंतरही तो अलाउद्दीनला स्वत:तून बाहेर काढू शकत नव्हता. रणवीर खर्‍या आयुष्यातही अलाउद्दीनसारखा क्रूर, भीतीदायक, रुबाबदार आणि खतरनाक झाला होता. त्यामुळे रणवीर आणि दीपिकामध्ये भांडण झाले. शेवटी रणवीरला यासाठी मनोरु1/2ण तज्ज्ञांकडे जाऊन उपचार घ्यावा लागला. रणवीर सिंह हा अलाउद्दीनच्या कॅरेक्टरमध्ये इतका घुसला होता की त्याचं खासगी आयुष्य त्याने प्रभावित होऊ लागलं होतं.

मिळालेल्या माहितीनुसार, सिनेमाच्या सेटवर आणि घरी रणवीरचा व्यवहार पूर्णपणे बदलला होता. तो भूमिकेप्रमाणे खर्‍या आयुष्यातही निगेटिव्ह होत चालला होता. शूटिंगदरम्यान, रणवीर मुंबईपासून दूर दहिसरमध्ये एका फ्लॅटमध्ये शिफ्ट झाला होता. या फ्लॅटमध्ये तो दीपिकासोबत राहत होता. सिनेमाच्या शूटिंगपयरत दीपिका आणि ‘पद्मावती’च्या टीमला रणवीरचं कॅरेक्टरमध्ये राहणे ठीक वाटत होते. पण शूटिंगनंतरही त्याच तसे वागणे त्याच्यासाठी धोकादायक ठरले होते. दररोज दीपिकासोबत त्याचे भांडण होत होते. दीपिकाला चांगले लक्षात आले होते की, रणवीर कॅरेक्टरमधून सहज बाहेर येऊ शकत नाही. त्यामुळे भांडणे होत असतानाही ती त्याच्यासोबत राहत होती. मीडिया रिपोर्टनुसार, शूटिंग संपल्यावर जेव्हा स्वत:मध्ये बदल दिसला नाही तेव्हा दीपिकाच्या मदतीने तो मानसोपचार तज्ज्ञाकडे गेला. त्यानंतरच तो अलाउद्दीनच्या कॅरेक्टरमधून बाहेर येऊ शकला नाही.