अवैध वाळू वाहतूक करणार्‍यांवर कारवाई
यवत । दौंड तालुक्यातून भीमा नदी व ओढ्यामधून करण्यात येणार्‍या अवैध वाळू वाहतुकीवर दौंड महसूल विभागाने धडक कारवाई केली आहे. रात्रीच्या सुमारास पुणे-सोलापूर महामार्गावर यवत, चौफुला, वरवंड आणि पाटस परिसरातून अवैध वाळू वाहतूक करणारे 11 ट्रक पकडण्यात आले आहेत. सर्व वाहने महसूल विभागाने जप्त करून एका वाहनावर गुन्हा दाखल केला आहे. या कारवाईत दौंडचे तहसिलदार बालाजी सोमवंशी यांच्या मार्गदर्शनाखाली निवासी नायब तहसिलदार धनाजी पाटील, मंडलाधिकारी विजय धांडोरे, तलाठी रविंद्र होले, अभिमन्यू जाधव यांच्यासह महसूल विभागाचे कर्मचारी व पोलिसांनी ही कारवाई केली.