अष्टपैलू इरफान पठाणचे गुजरातकडून ‘कमबॅक’!

राजकोट । खेळाडूंच्या लिलावात भाव न मिळालेल्या इरफान पठाणला अखेर संधी मिळाली आहे. आयपीएलच्या 10 व्या सत्रात इरफान पठाण गुजरात लायन्सकडून मैदानात उतरणार आहे. ईशांत शर्मासह इरफानवर कोणत्याही संघाने बोली लावली नव्हती.

आयपीएलच्या लिलावात इरफान पठाण 50 लाखाच्या मूळ किंमतीवर ‘अनसोल्ड’ राहिला होता. मात्र, गुजरात लायन्स संघाचा ड्वेन ब्रावोला झालेल्या दुखापतीनंतर इरफानची आयपीएलच्या संघात वर्णी लागली आहे. 32 वर्षीय इरफान पठाण आयपीएलमध्ये आतापर्यंत चेन्नई सुपर किंग्ज, दिल्ली डेअर डेव्हिल्स, किग्ज इलेव्हन पंजाब, हैदराबाद आणि पुणे सुपरजाएट्ंस या संघातून मैदानात उतरल्याचे पाहायला मिळाले होते. वेगवेगळ्या पाच संघातून 102 सामन्यामध्ये खेळताना इरफानने 80 बळी मिळविले असून, 1137 धावा ठोकल्या आहेत.