अॅपे-दुचाकी अपघातात वाघोद्यातील तरुणाचा मृत्यू
Youth in Waghoda dies in Appe-bicycle accident सावदा : भरधाव अॅपेने दुचाकीला धडक दिल्याने झालेल्या अपघातात वाघोदा गावातील 27 वर्षीय तरुणाचा मृत्यू झाला. चिनावल-वाघोदादरम्यान 2 रोजी रात्री साडेआठ वाजता हा अपघात घडला. राहुल कालू गट्टे (भिल, 27, वाघोदा बु.॥, ता.रावेर) असे मयताचे नाव आहे.
सावदा पोलिसात गुन्हा दाखल
तक्रारदार शिवचरण उर्फ शिवा शिवराम कटझिरेे (वाघोदा बु.॥, ता.रावेर, मूळ रा.गांधवा, जि.खंडवा) हे ट्रिपल सीट दुचाकीने येत असताना समोरून आलेल्या अॅपे (एम.एच.19 व्ही.9737) ने खड्डा चुकवण्याच्या नादात धडक दिल्याने झालेल्या अपघातात शिवचरण, कपिल भिल तसेच राहुल भिल हे जखमी झाले. राहुल याच्या डोक्यास जबर मार लागल्याने त्याचा मृत्यू ओढवला. या प्रकरणी शिवचरण भिल यांच्या फिर्यादीनुसार अॅपे चालकाविरोधात सावदा पोलिसात गुन्हा दाखल करण्यात आला. तपास सहाय्यक निरीक्षक डी.डी.इंगाले यांच्या मार्गदर्शनाखाली उपनिरीक्षक समाधान गायकवाड करीत आहेत.