आजच्या दिवशीच युवराजचा ‘तो’ कारनामा

नवी दिल्ली । 19सप्टेंबर 2007 म्हणजे आजच्या दिवशीच ठिक 10 वर्षांआधी युवराज सिंहने आंतरराष्ट्रीय क्रिकेट विश्वात एक असा कारनामा केला होता, ज्यामुळे जगभरात त्याचा नावा डंका वाजला होता. केवळ युवराजसाठीच नाही तर 9 सप्टेंबर ही तारीख क्रिकेटच्या इतिहासातही सोनेरी अक्षरांनी लिहिली गेली आहे. याच दिवशी युवराजने सहा बॉलवर सहा सिक्सर लगावले होते. टी-20 वर्ल्ड कप 2007 तील हा सामना होता. इंग्लंड आणि भारत यांच्यात हा सामना झाला होता. याच सामन्यात युवराजने स्टुअर्ट बˆॉडच्या एकाच ओव्हरमध्ये 6 सिक्सर लगावले होते. या सामन्यात युवराजने केवळ 12 बॉलमध्ये अर्धशतक पूर्ण केलं होतं. 6 सिक्सर मारण्यासोबतच युवराजने सर्वात वेगवान अर्धशकत करण्याचा रेकॉर्डही आपल्या नावावर केला होता. हा रेकॉर्ड अजूनही त्याच्या
नावावर आहे.

युवराजने जेव्हा हा कारनामा केला तेव्हा एक ओव्हर आधीच इंग्लंडचा ऑॅलराऊंडर अ‍ॅन्ड्र्ू फ्लिंटॉफसोबत त्याचा वाद झाला होता. हा राग युवराजने नंतर ओव्हर घेऊन आलेल्या बˆॉडवर काढला होता. युवराजने हा कारनामा सामन्याच्या 19व्या ओव्हरमध्ये केला होता. तेव्हा टीमचा स्कोर 171 इतका होता. पुढील 3 मिनिटांनी युवराजच्या सहा सिक्सरमुळे हाच स्कोर 4 विकेट गमावून 218 रन्स इतका झाला होता.

9 वर्षांनी सांगितले 6 सिक्सर
युवराजने एका मुलाखतीत सहा बॉलवर सहा सिक्सर मारण्याबाबतचा खुलासा केला होता. युवराजने सांगितले की, अ‍ॅन्ड्र्यू फ्लिंटॉफने त्याच्या एका शॉटला खराब म्हटले होते. त्यामुळे मला राग आला होता आणि मी त्याला काहीतरी बोललो. ते ऐकल्यावर फ्लिंटॉफने माझा गळा कापण्याची भाषा केली आणि बॅटने तुला मारणार असेही म्हणाला. त्यानंतर युवराजने फ्लिंटॉफचा सगळा राग स्टुअर्ट बˆॉडवर काढला होता.