आता दुकाने आठवडाभर उघडी राहू शकतात

नागपूर : नवीन अधिनियमामध्ये दुकान आणि आस्थापनांना आठवड्यातील 7 दिवस व्यवसाय करण्याची मुभा देण्यात आली आहे. मात्र कामगारांना आठवड्यातून एक दिवस साप्ताहिक सुट्टी बंधनकारक असेल. छोट्या आणि छोट्या उद्योगांना याचा फायदा होणार आहे.

या अधिनिमाअंतर्गत 10 पेक्षा कमी कामगार आहेत अशा आणि लघू व छोट्या आस्थापनांना नोंदणी करण्याची आवश्यकता नाही. त्याऐवजी त्यांनी व्यवसाय सुरु केल्याबाबत केवळ विहीत कागदपत्रासह व्यवसाय सुरु केल्याची ऑनलाईन सूचना द्यायची आहे. त्या अर्जाची पोहोच पावती ऑनलाईन उपलब्ध होईल. माहिती व तंत्रज्ञान क्षेत्रात होणार्‍या प्रगतीमुळे ऑनलाईन व्यवसाय 24 तास कार्यरत असतात. त्यामुळे ऑफलाईन व्यवसाय करणार्‍या व्यावसायिकांना त्यांच्याशी सकारत्मक स्पर्धा करता यावी म्हणून या अधिनियम लागू करण्यात आला.