आता धोनीनंतर सचिनवर चित्रपटाची निर्मिती

मुंबई। खेळावर चित्रपट अनेक तयार झाले आहे. मात्र, चक दे इडिया, या चित्रपटात हॉकीवरील आहे.तर भाग मिखा भाग, भारताचा धावपटू मिलासिंग याच्या जिवनावर आहे. त्यानंतर महेंद्रसिंह धोनीवरील चित्रपट,आणि मास्टर ब्लास्टर सचिन तेंडुलकर याच्या जिवनावर चित्रपट येत आहे.दि.13 रोजी या चित्रपटाचा ट्रेलर रिलिज करण्यात आला. काही क्षणात हजारो चाहत्यांनी या चित्रपटाचा ट्रेलर पाहिला. मुख्य म्हणजे या चित्रपटात सचिन स्वत:च स्वत:च्या भुमिकेत आहे.

मास्टर ब्लास्टर सचिन तेंडुलकरच्या आयुष्यावर बेतलेला ‘सचिन: अ बिलियन ड्रीम्स’ या सिनेमाच्या ट्रेलर रिलीज झाला. या सिनेमाचे एक पोस्टरही लाँच करण्यात आले होते. त्यानंतर आज या सिनेमाचा ट्रेलर रिलीज केला गेला. या ट्रेलरमधील सचिनची काही वाक्यं अक्षरश: मनाचा ठाव घेणारी आहेत. ‘क्रिकेट खेळणे हे माझ्यासाठी मंदिरात जाण्यासारखं होते.’ असे म्हणत सचिनने या ट्रेलरमध्ये आपली क्रिकेटविषयी असणारी भावना व्यक्त केली आहे.या सिनेमात खुद्द सचिन तेंडुलकरने भूमिका साकारली आहे.

हा सिनेमा वास्तवावर बेतलेला असल्याने याचा ट्रेलरही तसाच करण्याचा प्रयत्न दिग्दर्शकाने केला आहे. यात सचिन आणि त्याच्या कुटुंबीयांची काही जुनी दृश्यही दाखवण्यात आली आहे.काही वेळापूर्वीच सचिननं स्वत: ट्विटरवरून सिनेमाचा ट्रेलर ट्विट केला आहे. अवघ्या काही मिनिटातच हजारो जणांनी सचिनचा हा ट्वीट लाईक आणि रिट्वीट केला आहे त्यामुळे सिनेमाची उत्सुकता सचिनच्या चाहत्यांमध्ये कमालीची आहे. 26 मे रोजी हा सिनेमा प्रेक्षकांच्या भेटीला येणार आहे. भारताचा महान क्रिकेटपटू सचिन तेंडुलकरच्या आयुष्यावर आधारित ‘सचिन- अ बिलियन ड्रीम्स’ या चित्रपटाचा ट्रेलर गुरुवारी प्रदर्शित झाला. हा प्रयोग पाहण्यासाठी सचिन उपस्थित होता. चित्रपटाच्या माध्यमातून अनेक गोष्टींना उजाळा दिला.