आता भारतात लवकरच 13 अंकी मोबाईल नंबर?
नवी दिल्ली । भारतीय दूरसंचार खात्यात सध्या मोठ्या घडामोडी सुरू आहेत. यात एका रिपोर्टमध्ये म्हटल्यानुसार, दूरसंचार विभागाने टेलिकॉम कंपन्यांना 13 आकडी मोबाईल नंबर जारी केले असून, त्यांचे टेस्टिंग सुरू करण्याच्या सूचना दिल्या आहेत. बीएसएनएल, भारती एअरटेल, जिओ, आयडिया सेल्युलर, व्होडाफोन या कंपन्यांना चाचण्यांसाठी काही नंबर जारी केले आहेत. गेले काही दिवस मोबाईल नंबर तेरा आकडी होणार अशा अफवा पसरत आहेत. युजर्सना दहा आकड्यांऐवजी 13 आकडी नंबर दिले जाणार असल्याचेही सांगितले जात होते. त्याला आता पृष्टी मिळाली आहे.
मशीन टू मशीन सिमकार्ड ऑटोमेटेड मशीनमध्ये वापरले जाते. त्यासाठी नेटवर्क कनेक्टिव्हिटीवर चालणार्या मशीनसाठी त्याचा जादा वापर होतो. या मशीनची रेंज छोट्या गॅजेटपासून मोठ्या मशीनपर्यंत असू शकते. मात्र, त्यासाठी ही मशीन काम करताना इंटरनेट अथवा मोबाईल नेटवर्क कनेक्टिव्हिटीची गरज असते. सध्या या चाचण्या मशीन टू मशीन कम्युनिकेशनसाठी सुरू आहेत.