आमदगाव नियतक्षेत्रात जंगल पेटवले ; दोघे आरोपी जाळ्यात

भुसावळ- मुक्ताईनगर वनक्षेत्रातील आमदगाव नियतक्षेत्रात अतिक्रमणाच्या उद्देशाने जंगल पेटवल्या प्रकरणी संशयित आरोपी माणिक देवराम सुरवाडे (रा.आमदगाव) यास 9 रोजी वनविभागाच्या पथकाने अटक केली होती. यानंतर या गुन्ह्यातील अन्य दोन संशयीत आरोपी रमण डवरे व एकनाथ भोले (रा.आमदगाव) यांना अटक करण्यात आली. आरोपींना न्यायालयात हजर केले असता त्यांना 16 मे पर्यंत वनकोठडी सुनावण्यात आली. ही कारवाई उपवनसंरक्षक पगार, वनसंरक्षक एन.जी.पाटील, आरएफओ आशुतोष बच्छाव यांच्या मार्गदर्शनाखाली वनपाल डी.एम.कोळी, वनरक्षक आर.एल.ठोसर, रुपाली वानखेडे, पी.पी.शेजोळे आदींच्या पथकाने केली.