आमदारांना दसरा मेळाव्याची धास्ती

मुंबई । मराठवाड्यातील शिवसेना आमदार बुधवारी शिवसेना पक्षप्रमुख उद्धव ठाकरे यांची भेट घेणार आहेत. सत्तेतून बाहेर पडू नये, अशी मागणी मराठवाड्यातील शिवसेना आमदार उद्धव ठाकरे यांच्याकडे करणार आहेत. एकीकडे शिवसेना सत्तेतून बाहेर पडणार असल्याच्या चर्चांना उधाण आले असताना, मराठवाड्यातील शिवसेना आमदार उद्धव ठाकरेंना भेटून सत्तेतून बाहेर न पडण्याची मागणी करणार आहेत. शिवसेना आमदार सुभाष साबणे यांच्या नेतृत्वाखाली मराठवाड्यातील शिवसेना आमदार उद्धव ठाकरेंची भेट घेतील.

शिवसेनाला खिंडार पडण्याची भीती
सत्तेतून बाहेर पडल्यास पुन्हा निवडणुकीला सामोरे जाण्याची तयारी नाही, अशी मराठवाड्यातील शिवसेना आमदारांची भूमिका आहे. दुसरीकडे, येत्या दसर्‍याला जर शिवसेनेने सत्तेतून बाहेर पडण्याची घोषणा केली, तर शिवसेनेत खिंडार अटळ असल्याचा पुनरुच्चार अपक्ष आमदार रवी राणा यांनी केला आहे. शिवसेनेचे 20 ते 22 आमदार शिवसेनेच्या दसरा मेळाव्यात न राहता भाजपसोबत असतील, असे रवी राणा म्हणाले.