आमदार एकनाथराव खडसे आज करणार शेती शिवार पाहणी

मुक्ताईनगर। आमदार एकनाथराव खडसे हे शुक्रवार 26 रोजी तालुक्यातील काही भागातील शेती शिवार पहाणी करुन शेतकर्‍यांशी संवाद साधणार आहेत. यावेळी शेतकर्‍यांनी त्यांच्या काही समस्या असल्यास आमदार खडसे यांच्याकडे मांडाव्यात असे आवाहन करण्यात आले आहे. त्यांचा दौरा सकाळी 10 वाजता चिंचखेडा बुद्रुक, दुपारी 1 वाजता हिवरा, संध्याकाळी 7 वाजता हरताळा शिवार, हनुमान मंदिर हरताळा फाटा असा दौरा असून यावेळी खासदार रक्षा खडसे, डॉ.राजेंद्र फडके, जिल्हा बँक अध्यक्षा अ‍ॅड रोहिणी खडसे, जिल्हा परिषद माजी अध्यक्ष अशोक कांडेलकर, विधानसभा क्षेत्र प्रमुख रमेश ढोले, बोदवड बाजार समिती सभापती निवृत्ती पाटील, जिल्हा उपाध्यक्ष विलास धायडे, जिल्हा चिटणीस राजू माळी, पंचायत समिती सभापती शुभांगी भोलाणे, उपसभापती प्रल्हाद जंगले आदी उपस्थित राहणार आहेत.

यावेळी आपल्या भागात जिल्हा परिषद, पंचायत समिती सदस्यांनी तसेच सर्व पदाधिकारी, कार्यकर्ते, सरपंचांनी उपस्थित राहावे. असे आवाहन भाजपा तालुकाध्यक्ष दशरथ कांडेलकर, सतिष चौधरी, डॉ.बी.सी. महाजन, संदीप देशमुख यांनी केले आहे.