आमदार रमेश पाटील महाराष्ट्र कोळी समाजरत्न पुरस्काराने सन्मानित

मुक्ताईनगर- समाज नेते जयेंद्र खुणे आयोजित जनसेवा संघ संचालित श्रीराम कॉलेज ऑफ कॉमर्स अ‍ॅण्ड सायन्स व कुमारी कस्तुरी विद्यालय यांच्या संयुक्त विद्यमाने कोळी महासंघाच्या सभागृहात कोळी महासंघाचे अध्यक्ष रमेश ा पाटील यांची महाराष्ट्र विधान परीषदेवर आमदार म्हणून बिनविरोध निवड झाल्याबद्दल नागरी सत्कार करण्यात आला. यावेळी समाज नेते व भारतीय पुरस्कार विजेते संघाचे अध्यक्ष जयेंद्र खुणे यांच्या हस्ते महाराष्ट्र रत्न पुरस्कार देऊन त्यांना सन्मानित करण्यात आले. सत्काराला उत्तर देत आमदार पाटील यांनी समाज सेवा व सामाजिक प्रश्न, समस्या, अडचणी सोडविण्यासाठी आजवर अनेक प्रयत्न केले व त्यात आपल्या समस्त समाज बांधवांच्या सहकार्याने मी यशस्वी झालो. जास्त प्रमाणात राजकारण न करता समाजकारणात लक्ष केंद्रित केले व आज मला सन्मान बहुमान मला मिळाल्याची प्रतिक्रिया कोळी महासंघाचे अध्यक्ष व नवनिर्वाचित आमदार रमेशदादा पाटील यांनी महाराष्ट्र रत्न पुरस्कार सोहळ्या प्रसंगी दिली व आयोजकांचे आभार मानले.

यांची व्यासपीठावर उपस्थिती
प्रसंगी व्यासपीठावर जनसेवा संघाचे सरकार्यवाह अरुण मुळे, अखिल भारतीय कोळी समाजचे युवा अध्यक्ष परेश कांती कोळी, आगरी कोळी महोत्सवाचे अध्यक्ष जयेंद्र पाटील, मुक्ताईनगरचे तालुकाध्यक्ष राजू कांडेलकर, मुक्ताईनगर पंचायत समिती सभापती शुभांगी भोलाने त्यांचे पती चंद्रकांत भोलाने इत्यादींसह बहुसंख्य कोळी समाज बांधव, शिक्षक, विद्यार्थी उपस्थित होते.