आमदार लक्ष्मण जगताप यांच्या हस्ते भूमिपूजन

दापोडीः पिंपरी-चिंचवड महापालिकेच्यावतीने प्रभाग क्रमांक 30 मधील बुद्ध विहाराशेजारील मोकळ्या जागेमध्ये विकसित करण्यात येणार्‍या उद्यानाच्या कामाचा शुभारंभ आमदार लक्ष्मण जगताप यांच्या हस्ते आज (सोमवारी) झाला. यावेळी उपमहापौर शैलजा मोरे, सभागृह नेते एकनाथ पवार, ‘ह’ प्रभाग अध्यक्ष अंबरनाथ कांबळे, नगरसेवक रोहित काटे, राजू बनसोडे, नगरसेविका आशा शेंडगे, स्वाती काटे, माजी नगरसेवक विजय लांडे, प्रभाग समितीचे नामनिर्देशीत सदस्य अनिकेत काटे, संजय कणसे, अतिरिक्त आयुक्त दिलीप गावडे, सहाय्यक आयुक्त अण्णा बोदडे, आशा राउत, कार्यकारी अभियंता संजय कांबळे, सुनील नरोटे, उद्यान अधिक्षक डी.एन. गायकवाड आदी उपस्थित होते. सुमारे 2.93 एकर क्षेत्रावर विकसित करण्यात येणार्‍या उद्यानासाठी 93 लाख खर्च येणार असून यामध्ये जॉगिंग ट्रॅक, चिल्ड्रन प्ले एरिया, टॉयलेट ब्लॉक, वाचमेन क्वॉर्टर, ओपन स्टेज व गजेबो आदींची सुविधा असणार आहे. दापोडी परिसरात विकसित होणार्‍या या उद्यानाचे काम एक वर्षात पूर्ण होणार आहे.