आमदार सुरेश भोळेंचा अपघात

जळगाव – बहिनाबाई उद्यानाकडून घराकडे जात असतांना रस्त्याच्या चुकीच्या बाजून येणाऱ्या चारचाकीपासुन स्वत:ला वाचवण्याच्या प्रयत्नात दुचाकी स्लिप होऊन झालेल्या अपघातात आमदार सुरेश भोळे जखमी झाल्याची घटना गुरुवारी सकाळी साडेदहा वाजेच्या सुमारास रिंगरोडवर घडली .

जळगाव शहराचे आमदार सुरेश भोळे हे त्यांच्या ज्युपिटर या दुचाकीने गुरुवारी सकाळी काम आटोपुन बहिणाबाई उद्यानाकडून निवासस्थानाकडे परतत होते. यावेळी त्यांना एकाने हात दिला.त्याला एक हातून उंचावुन प्रतिसाद देत असताना चुकीच्या बाजूने अचानक समोरून चारचाकी आली. चारचाकी बघून आमदार भोळे यांनी दुचाकीचा ब्रेक दाबला असता दुचसकी स्लीप झाली,यात आमदार भोळे दुचाकीवरून खाली पडले. अपघातानंतर त्यांनी तत्काळ चारचाकी वाहन बोलून रुग्णालय गाठले. डॉक्टरांच्या सल्ल्यानुसार सुदर्शन डायग्नोसिस सेंटर या ठिकाणी त्यांनी सिटीस्कॅन ही करून घेतला. अपघातात आमदार भोळे यांना डाव्या डोळ्याच्या वर दुखापत झाली असून किरकोळ दुखापत झाली आहे. अपघाताची माहिती मिळताच कार्यकर्त्यांसह पदाधिकाऱयांनी सुदर्शन डायग्नोसिस सेंटर गाठत आमदार भोळेंची भेट घेतली. शेवटचा वृत्त हाती आले तोवर आमदार भोळे घराकडे रवाना झाले होते.