आयआयटी गुवाहाटीत गाडगेबाबा अभियांत्रिकीचा डंका

रोबोवॉर गज सायबॉर्गचा दणदणीत विजय

भुसावळ- आय.आय.टी गुवाहाटी येथे नुकत्याच झालेल्या ‘टेकनीच-18’ या राष्ट्रीय स्तरावरील तंत्रज्ञानाच्या महोत्सवात यंदा श्री संत गाडगेबाबा अभियांत्रिकी महाविद्यालयातील टीम गज सायबॉर्गने दणदणीत विजय मिळवला. या स्पर्धेत टीमचा 60 किलो बॉट बोस यांनी दर्शकांची मने जिंकून दणदणीत विजय मिळवला. या स्पर्धेत गज सायबॉर्गने रोबोवार्स या स्पर्धेत प्रथम क्रमांक मिळवला तसेच मॅडमॅक्स व ऐक्वा या दोघाही स्पर्धेत प्रथम व द्वितीय क्रमांक मिळवला. टीम गज सायबॉर्गने मागील झालेल्या काही स्पर्धेत प्रथम क्रमांक पटकावून वर्चस्व मिळवले आहे.

यांचा टीममध्ये सहभाग
या टीममध्ये भुसावळातील श्री संत गाडगेबाबा अभियांत्रिकी महाविद्यालयातील विद्यार्थी पुष्पेंद्रसिंग पटेल, अविनाश बनसोडे, अक्षय भंगाळे, परेश पाटील, आतिश यादव, अनुज सारस्वत, जुड गावंडे, सौरभ मित्रा, तुषार बर्‍हाटे, शुभम सनांसे, नील मिस्त्री, हेमंग कुशवाह आदीचा समावेश आहे. गुणवंतांचे हिंदी सेवा मंडळाचे अध्यक्ष जे.टी.अग्रवाल, सचिव एम.डी.शर्मा, महाविद्यालयाचे प्राचार्य डॉ.आर.पी.सिंह, अकॅडमिक डीन डॉ.राहुल बारजिभे यांनी केले. दरम्यान, महाविद्यालयातील विभागप्रमुख प्रा.ए.व्ही.पाटील, प्रा.जे.एस. चौधरी, प्रा.जी.सि. जाधव, प्रा.जी. एच. सोनवणे यांच्या मार्गदर्शनाखाली ही टीम चांगली कामगिरी दाखवत आहे.