आर्थिक विवंचनेतून नागपुरात माजी रणजीपटूची आत्महत्या

नागपूर । आर्थिक विवंचनेतून नागपूरमध्ये माजी रणजीपटू अमोल जिचकारने आत्महत्या केल्याची घटना मंगळवारी घडली. त्याने नुकताच मित्रासोबत रेस्टॉरंट सुरु केले होते. नागपूरमध्ये जन्मलेला 38 वर्षीय अमोल जिचकार रणजी स्पर्धेत विदर्भाकडून खेळला होता. या घटनेने जिचकार कुटुंबीयांना धक्का बसला असून त्यांनी याविषयी अधिक बोलण्यास नकार दिला आहे.

अमोल सध्या नागपूरमधील सिव्हील लाईन्स परिसरात राहत होता. काही दिवसांपूर्वीच त्याने मित्रासोबत पार्टनरशिपमध्ये नागपूरमध्ये रेस्टॉरंट सुरु केले होते. विपूल पांडे या मित्रासोबत त्याने हा व्यवसाय सुरु केला होता. विपूल पांडे हादेखील माजी क्रिकेटपटू आहे. लॉ कॉलेज चौकात या दोघांनी रेस्टॉरंट होते. अमोल जिचकारचे आईवडील सध्या पुण्यात आहे. अमोलला एका मुलगादेखील आहे. त्याने प्रथम श्रेणी क्रिकेटमध्ये सहा सामन्यांमध्ये 3.64 इकॉनॉमी रेटने 7 विकेट घेतल्या होत्या. 1998 ते 2002 या चार वर्षात तो क्रिकेटमध्ये सक्रीय होता. तसेच अंडर 19 संघामध्येही तो खेळला होता.