आर.सी. पटेल प्राथमिक शाळेत वेशभूषा व वार्षिक पारितोषिक वितरण
धुळे । येथील आर.सी.पटेल प्राथमिक शाळेत वेशभूषा स्पर्धा व वार्षिक पारितोषिक वितरण सोहळ्याचे आयोजन करण्यात आले. याप्रसंगी महिला व बालकल्याण सभापती रंजना सोनवणे, नगरसेविका आशा बागुल, माजी नगरसेवक दिलीप बोरसे, योग विद्याधाम संचालक डॉ.श्रीकांत वाडीले, अॅड. ललेश चौधरी, ज्ञानेश्वर थोरात, शालेय व्यवस्थापन समिती अध्यक्ष संजय वरसाळे, साधन व्यक्ती मनोहर वाघ,सचिन जडिये, नितीन पाटील,उत्तम महाराष्ट्र विद्यापीठ सिनेट सदस्य अमोल सोनवणे, मुख्याध्यापक गणेश साळुंके, महेंद्र परदेशी, मनोज पाटील, गोपाल पाटील, रवींद्र खोंडे,विद्यालयाचे मुख्याध्यापक सी.डी.पाटील आदी उपस्थित होते.
आ.पटेलांची उपस्थिती
या कार्यक्रमात 480 विद्यार्थ्यांना सन्मानित करण्यात आले. शैक्षणिक वर्षात विविध स्पर्धा घेण्यात आल्या. त्यासाठी संस्थेचे संस्थापक अध्यक्ष आमदार अमरिशभाई पटेल, कार्याध्यक्ष भुपेशभाई पटेल, नगराध्यक्षा जयश्रीबेन पटेल,उपाध्यक्ष राजगोपाल भंडारी यांनी बक्षीस योजनेसाठी भरीव आर्थिक मदत केली. प्रास्ताविक मुख्याध्यापक सी.डी.पाटील यांनी केले. सुत्रसंचालन महेंद्र माळी,गजेंद्र जाधव यांनी केले. आभार अविनाश राजपूत यांनी मानले. यशस्वीतेसाठी जगदीश सोलंकी, जगदीश धनगर, संदीप चौधरी, गोपाल न्हावी,सुभाष भिल, प्रकाश ईशी,योगेश बागुल, मोहिनी सोनवणे, स्मिता साळुंखे, वंदना सोनवणे, बबिता काटोले, रेखा माळी,श्वेता चौधरी यांनी कामकाज पाहिले.
सांस्कृतिक कार्यक्रमात संधी
वेशभूषा कार्यक्रमात शाळेतील 61 विद्यार्थ्यांनी विविध वेशभूषा सादर केल्या. यात बालवाडी ते चौथी वर्गातील विद्यार्थ्यांनी सहभाग घेतला होता. या प्रथम येणार्या विद्यार्थास सांस्कृतिक कार्यक्रमात सादरीकरणाची संधी देण्यात येणार आहे. वेशभूषा परीक्षण विवेकानंद ठाकरे व ज्वाला मोरे यांनी केले. वार्षिक पारितोषिक वितरण कार्यक्रमात बालवाडी ते चौथी वर्गातील विविध स्पर्धेत यशस्वी विद्यार्थ्यांना बक्षीस देऊन सन्मानित करण्यात आले.