आवक वाढल्याने कांदा, टोमॅटोच्या दरात घट

पुणे । छत्रपती शिवाजी मार्केटयार्डात रविवारी राज्यासह परराज्यातून मोठ्या प्रमाणात आवक झाल्यामुळे टोमॅटो, गाजर आणि मटारच्या दरात घट झाली. दरम्यान, बाजारात सुका कांदा येण्यास सुरुवात झाल्याने कांद्याचे दर उतरण्यास सुरुवात झाली आहे. तर स्थानिक परिसरातून गाजराची आवक संपूनही परराज्यातून आवक वाढल्याने गाजराचे दर घटले आहेत. तर इतर फळभाज्यांचे दर स्थिर असल्याची माहिती व्यापारी विलास भुजबळ यांनी दिली.

दरम्यान रविवारी मार्केट यार्डात सुमारे 160 ते 170 ट्रक शेतमालाची आवक झाली. परराज्यातून बँगलोर येथून दोन टेम्पो आले. मध्यप्रदेश आणि हिमालच प्रदेश येथून 600 गोणी मटार, कर्नाटक आणि गुजरात येथून 5 ते 6 ट्रक कोबी, आंध्र प्रदेश, कर्नाटक आणि गुजरात येथून 14 ते 15 टेम्पो हिरवी मिरची, आंध्रप्रदेश आणि तामिळनाडू येथून 3 टेम्पो शेवगा, राजस्थान येथून 6 ते 7 ट्रक गाजर, कर्नाटक येथून 2 ट्रक रताळी, मध्यप्रदेश आणि गुजरात मधून लसणाच्या अडीच हजार गोणींची आवक झाली. स्थानिक भागातून सातारी आले 1800, टॉमेटोची साडेचार ते पाच हजार पेटी, हिरवी मिरचीची 5 ते 6 टेम्पो, फ्लॉवरची 18 ते 20 टेम्पो, कोबीची 14 ते 15 टेम्पो, ढोबळी मिरचीची 8 ते 10 टेम्पो, भुईमूग शेंगाची 25 ते 30 पोती, तांबडा भोपळाची 8 ते 10 टेम्पो, गवारची 7 ते 8 टेम्पो, भेंडीची 8 ते 10 टेम्पो, रताळी 2 ट्रक, नवीन कांद्याची 60 ट्रक, जुना कांद्याची 60 ट्रक, आग्रा, इंदौर, गुजरात आणि स्थानिक भागातून मिळून बटाट्याची 70 ट्रक इतकी आवक झाली.

फळभाज्यांचे दहा किलोचे भाव
कांदा : नवीन 200-300, जुना : 250 – 320, बटाटा : 50-90, लसूण : 250-450, आले : सातारी : 180-240, बेंगलोर : 240-250, भेंडी : 200-250, गवार : गावरान व सुरती 300-500, टोमॅटो : 300-350, दोडका : 300-350, हिरवी मिरची : 250-300, दुधी भोपळा : 60-120, चवळी : 200-250, काकडी : 100-160, कारली : हिरवी 300, पांढरी : 200, पापडी : 400-450, पडवळ : 280-300, फ्लॉवर : 100-140, कोबी : 200-250, वांगी : 300-500, डिंगरी : 200-250, नवलकोल : 140-150, ढोबळी मिरची :300-350, तोंडली : कळी 280-300, जाड : 100-120, शेवगा : 1000, गाजर : 250-300, वालवर : 350-450, बीट : 250-350, घेवडा : 500, कोहळा : 100-150, आर्वी : 200-250, घोसावळे : 150-200, ढेमसे : 350-450, पावटा : 500, रताळी : 140-180, भुईमुग शेंग : 300-350, मटार : 700-750, तांबडा भोपळा : 60-120, सुरण :280-300, मका कणीस : 50-80, नारळ (शेकडा) : 1000-1600.

कोथिंबीर स्वस्त
रविवारी मार्केट यार्डातील तरकारी विभागात कोथींबिरीची तब्बल 2 लाख 50 हजार जुडींची आवक झाल्यामुळे कोथींबीरीचे दर घसरले. मागणीच्या तुलनेत आवक घटल्याने मेथी, करडईच्या दरात वाढ झाली आहे. मेथीची 30 हजार जुडी आवक झाली. काही भाज्यांच्या दरात किंचीतशी घट झाली असून येत्या काही दिवसांत सर्व भाजीपाल्यांचे दर पूर्वपदावर येतील, अशी शक्यताही भुजबळ यांनी वर्तविली आहे.

फुले महागली
झेंडू, जर्बेरा, कार्नेशियन, गुलाब आदी सजावटीच्या फुलांना लग्नसराईमुळे मागणी वाढली आहे. मार्केटयार्डातील फुलबाजारात मागणीच्या तुलनेत आवक घटल्याने फुलांच्या दरात 30 ते 40 टक्क्यांनी वाढ झाली आहे. तर, मागणी अभावी इतर फुलांच्या दरात 10 ते 20 टक्क्यांनी घट झाल्याची माहिती व्यापारी सागर भोसले यांनी दिली.

फुलांचे किलोचे दर
झेंडू : 10-30, गुलछडी : 20-50, बिजली : 20-40, कापरी : 10-20, शेवंती : 20-40, ऑस्टर : 8-12, गुलाबगड्डी (गड्डीचे भाव) : 10-25, ग्लॅडिएटर : 10-20, गुलछडी काडी : 10-40, डच गुलाब (20 नग) : 60-100, लिलिबंडल : 3-6, जर्बेरा: 20-40, कार्नेशियन : 100-180, अबोली लड : 150-200.

पालेभाज्यांचे भाव
कोथिंबीर : 200-500, मेथी : 1000-1500, शेपू : 1000-1500, कांदापात : 800-1200, चाकवत : 600-800, करडई : 700-800, पुदिना : 500-600, अंबाडी :600-700, मुळे : 500-1000, राजगिरा : 700-800, चुका : 500-600, चवळई : 1000-1200, पालक : 700-800, हरभरा गड्डी : 800-1000.

मासळीचे दर तेजीत
देशाच्या पुर्व आणि पश्‍चिम किनारपट्टीवरून मासळीची आवक चांगली होत असून ग्राहकांकडून मागणी कायम असल्याने मासळीला तेजीतील दर टिकून आहे. तसेच गावरान तसेच इंग्लिश अंड्याला मागणी वाढू लागली आहे. आवकच्या तुलनेत मागणी जास्त असल्याने गावरान व इंग्लिश अंड्याच्या दरात शेकड्यामागे 25 रुपयांनी वाढ झाल्याची माहिती व्यापार्‍यांनी दिली. गणेश पेठेतील घाऊक बाजारात खोल समुद्रातील मासळीची सुमारे 14 ते 15 टन, खाडीच्या मासळीची सुमारे 500-600 किलो आणि नदीतील मासळीची सुमारे 700 ते 800 किलो इतकी आवक झाली. तर, आंध्रप्रदेशातील रहु, कतला, सीलन या मासळींची सुमारे 15 ते 16 टन आवक झाली असल्याची माहिती मासळीचे व्यापारी ठाकूर परदेशी यांनी दिली.

लिंबु, डांळींब, सफरचंदाची मागणी घटली
थंडीचा जोर वाढू लागल्याने सफरचंद, डाळींब, लिंबू आदी फळांची मागणी घटली असून डाळींबाच्या दरात 10 ते 15 टक्क्यांनी तर लिंबूच्या दरात गोणीमागे 30 रुपयांनी घट झाली आहे. तर, मागणीच्या तुलनेत आवक घटल्याने खरबूजाच्या दरात दुप्पटीने वाढ झाली आहे. बाजारात इतर फळांची आवक-जावक कायम असून दर स्थिर असल्याचे व्यापार्‍यांच्या वतीने सांगण्यात येत आहे. रविवारी येथील फळबाजारात अननस 7 ट्रक, मोसंबी 70 ते 80 टन, संत्री 8 ते 10 टन, डाळिंब 70 ते 80 टन, पपई 20 ते 25 टेम्पोे, लिंबाची 5 ते 6 हजार गोणी, चिक्कू 1 हजार बॉक्स, पेरु 1500 क्रेटस्, कलिंगड 10 ते 15 टेम्पो, खरबुज 1 ते 2 टेम्पो, सफरचंद 15 ते 16 हजार पेटी, बोरे 1 ते दीड हजार गोणी, सिताफळ 8 ते 9 टन इतकी आवक झाल्याचे व्यापार्‍यांनी सांगितले.

फळांचे दर पुढीलप्रमाणे
लिंबे (प्रति गोणी) : 50-170, अननस (डझन) : 70-270, मोसंबी : (3 डझन) : 160-280, (4 डझन ) : 80-170, संत्रा : (3 डझन) 150-220, (4 डझन) : 60-130, डाळिंब (प्रति किलोस) : भगवा : 20-80, गणेश 10-30, आरक्ता 10-40, कलिंगड : 5-12, खरबुज : 20-40, पपई : 5-20, चिक्कू : 100-500, पेरू (20 किलो) : 300-500, सीताफळ : 10-100, सफरचंद : सिमला (25 किलो) : 1200-1600, काश्मीर डेलीशियस (15 किलो) 700-1300, किन्नोर : (25 किलो) 1600-2000, अमेरिकन डेलीशियस : (15 किलो) 1000-1200, महाराजा (15 किलो) : 350-600, बोरे : चेकनट (10 किलो) 500-550, चण्यामण्या : 250-300, चमेली : 140-180, उमराण : 100-120, द्राक्षे : तासगणेश (10 किलो) 600-900.

मासळीचे दर पुढीलप्रमाणे (प्रतिकिलो)
पापलेट : कापरी : 1500, मोठे : 1400, मध्यम : 800, लहान : 550, भिला : 400, हलवा : 440, सुरमई : 400-480, रावस लहान : 400-480, मोठा : 600, घोळ : 480, करली : 240, करंदी (सोललेली) : 240, भिंग : 200, पाला : 550-1400, वाम : 200-320, ओले बोंबील : 80-120. कोळंबी : लहान : 240, मोठी : 440, जंबोप्रॉन्स : 1500, किंगप्रॉन्स : 750, लॉबस्टर : 1500, मोरी : 240, मांदेली : 100, राणीमासा : 140, खेकडे : 200, चिंबोर्‍या : 400. खाडीची मासळी : सौंदाळे : 240, खापी : 240, नगली : 280-440, तांबोशी : 320, पालू : 240, लेपा : 100-180, शेवटे : 240, बांगडा : 100-160, पेडवी : 60, बेळुंजी : 100, तिसर्‍या : 160, खुबे : 120, तारली : 100. नदीची मासळी : रहू : 140, कतला : 180, मरळ : 360, शिवडा : 160, चिलापी : 50, मांगूर : 120, खवली : 140, आम्ळी : 60, खेकडे : 160, वाम : 400. मटण : बोकडाचे : 440, बोल्हाईचे : 440, खिमा : 440, कलेजी : 480. चिकन : चिकन : 130, लेगपीस : 160, जिवंत कोंबडी : 110, बोनलेस : 240. अंडी : गावरान : शेकडा : 720, डझन : 96 प्रति नग : 8. इंग्लिश : शेकडा : 518 डझन : 72 प्रतिनग : 6.