आवक वाढल्याने कांदा, बटाट्याचे दर घसरले

पुणे । मार्केट यार्डात फळभाज्यांचा उठाव होत नसल्याने दर घटले आहेत. ढोबळी मिरची, हिरवी मिरची, कोबी, वांगी, शेवगा, श्रावण घेवडा आणि पावट्याच्या भावात घट झाली आहे. तर आवक वाढल्याने कांदा आणि बटाट्याचे भाव घसरले आहेत. तर आवक घटल्याने भेंडी, गवार आणि फ्लॉवरच्या भावात मात्र वाढ झाली आहे, अशी माहिती व्यापारी विलास भुजबळ यांनी दिली आहे.

रविवारी मार्केट यार्डातील भाजीपाला विभागात सुमारे 150-160 ट्रक शेतमालाची आवक झाली. परराज्यातून आलेल्या मालामध्ये बेंगलोर येथून दोन टेम्पो आले, मध्यप्रदेश येथून 12 ते 13 ट्रक मटार, कर्नाटक आणि गुजरात येथून चार ट्रक कोबी, आंध्रप्रदेश, कर्नाटक आणि गुजरात येथून 15 ते 16 टेम्पो हिरवी मिरची, आंध्रप्रदेश आणि तामिळनाडू येथून 5 ते 6 टेम्पो शेवगा, राजस्थान येथून 10 ते 12 ट्रक गाजर, मध्यप्रदेश आणि गुजरात येथून लसणाची तीन ते साडेतीन हजार गोणी इतकी आवक झाली. स्थानिक भागातून सातारी आले 700 ते 800 पोती, टॉमेटोची साडेपाच ते 6 हजार पेटी, हिरवी मिरचीची 4 ते 5 टेम्पो, फ्लॉवरची 14 ते 15 टेम्पो, काकडी 8 ते 10 टेम्पो, कोबीची 20 ते 22 टेम्पो, ढोबळी मिरचीची 10 ते 12 टेम्पो, पावटा 7 ते 8 टेम्पो, वांगी 8 ते 10 टेम्पो, तांबडा भोपळाची 10 ते 12 टेम्पो, गवारची 4 ते 5 टेम्पो, कांद्याची 225 ट्रक, आग्रा, इंदौर, गुजरात आणि तळेगाव येथून मिळून बटाट्याची 100 ट्रक इतकी आवक झाली.

फळभाज्यांचे दहा किलोचे भाव
कांदा : 200-250, बटाटा : 50-90, लसूण : 150-300, आले : सातारी: 200-260, बेंगलोर: 260-280, भेंडी : 300-400, गवार : गावरान व सुरती 500-600, टोमॅटो : 30-60, दोडका : 300-350, हिरवी मिरची : 200-300, दुधी भोपळा : 50-100, चवळी : 180-220, काकडी : 70-80, कारली : हिरवी 300-350, पांढरी : 200-220, पापडी : 180-200, पडवळ : 180-200, फ्लॉवर : 60-80, कोबी : 30-60, वांगी : 150-250, डिंगरी : 150-160, नवलकोल : 80-100, ढोबळी मिरची :200-250, तोंडली : कळी 200-250, जाड : 100-120, शेवगा : 450-500, गाजर : 140-160, वालवर : 180-200, बीट : 40-60, घेवडा : 200-250, कोहळा : 100-150, आर्वी : 200-250, घोसावळे : 140-160, ढेमसे : 200-220, भुईमूग : 350, पावटा : 200-300, मटार : परराज्य : 240-260, स्थानिक : 260-280, तांबडा भोपळा : 100-150, सुरण : 260-280, मका कणीस : 50-80, नारळ (शेकडा) : 1000-1600.

मासळीचे दर पुढीलप्रमाणे (प्रतिकिलो)
पापलेट : कापरी : 1400, मोठे : 1400, मध्यम : 700, लहान : 650, भिला : 550, हलवा : 440, सुरमई : 440, रावस लहान : 480, मोठा : 680, घोळ : 550, करली : 200-240, करंदी (सोललेली) : 280, भिंग : 200, पाला : 400-1200, वाम : 280-700, ओले बोंबील : 100-140. कोळंबी : लहान : 320, मोठी : 440, जंबोप्रॉन्स : 1500, किंगप्रॉन्स : 800, लॉबस्टर : 1500, मोरी : 280, मांदेली : 100, राणीमासा : 160, खेकडे : 180-200, चिंबोर्‍या : 480.
खाडीची मासळी : सौंदाळे : 200, खापी : 240, नगली : 240-400, तांबोशी : 360, पालू : 200, लेपा : 140-200, शेवटे : 200, बांगडा : 100-160, पेडवी : 50, बेळुंजी : 100, तिसर्‍या : 160, खुबे : 100, तारली : 140.
नदीची मासळी : रहू : 180, कतला : 180, मरळ : 480, शिवडा : 200, चिलापी : 50, मांगूर : 100, खवली : 440, आम्ळी : 60, खेकडे : 120, वाम : 400.
मटण : बोकडाचे : 440, बोल्हाईचे : 440, खिमा : 440, कलेजी : 480.
चिकन : चिकन : 150, लेगपीस : 180, जिवंत कोंबडी : 120, बोनलेस : 250.
अंडी : गावरान : शेकडा : 750, डझन : 102 प्रति नग : 8.50. इंग्लिश : शेकडा : 445 डझन : 60 प्रतिनग : 5.

मासळीला मागणी घटली
रथसप्तमी, गणेशजयंतीमुळे मासळीला मागणी घटली आहे. मागणीनुसार आवक होत असल्याने मासळीचे दर स्थीर आहेत. मागील रविवारी आलेली मकरसक्रांत आणि या रविवारी आलेल्या गणेश जयंतीमुळे मासळीच्या मागणीतील मंदी कायम राहिल्याचे व्यापारी ठाकूर परदेशी यांनी सांगितले. दरम्यान, मटण, चिकनचे भाव स्थिर असून गावरान अंड्याच्या भावात शेकड्यामागे 30 रुपयांनी वाढ झाली असल्याचे व्यापार्‍यांनी सांगितले. गणेश पेठेतील घाऊक बाजारात खोल समुद्रातील मासळीची सुमारे 5 ते 6 टन, खाडीच्या मासळीची सुमारे 100 ते 150 किलो आणि नदीतील मासळीची सुमारे 200 ते 250 किलो इतकी आवक झाली. तर, आंध्रप्रदेशातील रहु, कतला, सीलन या मासळींची सुमारे 4 ते 5 टन आवक झाली आहे.

कोथिंबीर, मेथीची 1 लाख जुड्यांची आवक
मार्केट यार्डातील तरकारी विभागात गेल्या आठवड्याच्या तुलनेत कोथिंबिर आणि मेथीची आवक वाढली आहे. रविवारी बाजारात कोथिंबिर आणि मेथीची अनुक्रमे 1 लाख 75 हजार जुडी, 50 हजार जुडी इतकी आवक झाली. आवकच्या तुलनेत मागणीही असल्याने मेथी, कोथिंबिरीचे भाव स्थिर आहेत. घाऊक बाजारात मेथी आणि कोथिंबिरीच्या जुडीला 2 ते 6 रुपयांचा भाव मिळत आहे. तर दोन्ही पालेभाज्यांच्या जुडीसाठी किरकोळ बाजारात 10 ते 15 रुपये मोजावे लागत आहेत. तसेच मागणी वाढल्यामुळे मुळे आणि हरभराच्या भावात मात्र गेल्या आठवड्याच्या तुलनेत शेकडा जुडीमागे प्रत्येकी 200 रुपयांनी वाढ झाली असल्याची माहिती व्यापारी विलास भुजबळ यांनी दिली.

पालेभाज्यांचे भाव (शेकडा जुडी)
कोथिंबीर : 200-600, मेथी : 200-600, शेपू : 300-500, कांदापात : 500-800, चाकवत : 500-800, करडई : 400-500, पुदिना : 200-400, अंबाडी : 500-600, मुळे : 500-800, राजगिरा : 500-600, चुका : 700-800, चवळई : 700-800, पालक : 400-600, हरभरा गड्डी : 500-800.

कलिंगड, किन्नू, सफरचंद महागले
थंडीमुळे मार्केटयार्डातील घाऊक फळबाजारात कलिंगड, खरबूज, सफरचंद, किन्नू तसेच बोरांची आवक घटली आहे. मागणीच्या तुलनेत आवक कमी आहे. कलिंगडाच्या दरात प्रतिकिलोमागे 2 रुपये, किन्नू दहा किलो मागे 20 ते 25 रुपये तर सफरचंदाच्या दरात पेटीमागे 50 ते 100 रुपयांनी वाढ झाली आहे. आवक-जावक कायम असल्याने खरबूज व बोरांचे दर स्थिर असल्याची माहिती व्यापार्‍यांनी दिली. उर्वरित सर्व फळांचे भाव गेल्या आठवड्याच्या तुलनेत स्थिर असल्याचे त्यांनी नमूद केले. रविवारी येथील फळबाजारात अननस 5 ट्रक, मोसंबी 60 टन, संत्री 12 टन, डाळिंब 30 ते 40 टन, पपई 20 ते 25 टेम्पोे, लिंबाची 7 ते 8 हजार गोणी, चिक्कू 1 हजार डाग, पेरु 300 क्रेटस्, कलिंगड 8 ते 10 टेम्पो, खरबुज 4 ते 5 टेम्पो, सफरचंद 5 ते 6 हजार पेटी, बोरे 700 ते 750 गोणी, द्राक्षे 15 ते 16 टन, स्ट्रॉबेरी 5 ते 6 टन इतकी आवक झाल्याचे व्यापार्‍यांनी सांगितले.

फळांचे दर पुढीलप्रमाणे
लिंबे (प्रति गोणी) : 40-130, अननस (डझन) : 70-270, मोसंबी : (3 डझन) : 100-400, (4 डझन ) : 40-220, संत्रा : (3 डझन) 150-300, (4 डझन) : 60-120, डाळिंब (प्रति किलोस) : भगवा : 30-100, गणेश 5-25, आरक्ता 10-50. कलिंगड : 05-13, खरबुज : 10-25, पपई : 05-15, चिक्कू : 100-500, पेरू (20 किलो) : 200-500, सफरचंद : सिमला (25 किलो) : 1500-2000, काश्मीर डेलीशियस (15 किलो) 600-1200, किन्नोर : (25 किलो) 2000-2500, अमेरिकन : (15 किलो) 1000-1300, महाराजा (15 किलो) : 500-700, किन्नू (10 किलो) : 400-450. बोरे : चेकनट (10 किलो) 300-350, चण्यामण्या : 400-450, चमेली : 80-120, उमराण : 30-40, द्राक्षे : तासगणेश (15 किलो) 600-800, सुपर सोनाका (15 किलो) : 700-1200, जम्बो (10 किलो) : 500-900, शरद (15 किलो) : 700-1000, सोनाका (15 किलो) : 600-900, सरीता (10 किलो) 700-1000, थॉमसन (15 किलो): 500-700 , स्ट्रॉबेरी 80-130.

शोभेच्या फुलांना मागणी वाढली
गणेश जयंतीमुळे मार्केटयार्डातील घाऊक फुलबाजारात गुलछडी, झेंडू, शेवंतीसह सजावटीच्या फुलांना मागणी वाढली आहे. आवक जावक कायम असल्याने फुलांचे दर स्थिर आहेत. मात्र, जिल्ह्यात थंडीचा कडाका वाढल्याने त्याचा परिणाम गुलछडीच्या फुलांवर झाला आहे. मागणीच्या तुलनेत कमी प्रमाणात माल बाजारात दाखल होत असल्याने गुलछडीच्या दरात 50 टक्क्यांनी वाढ झाल्याची माहिती व्यापारी सागर भोसले यांनी दिली.

फुलांचे प्रति किलोचे दर
झेंडू : 10-40, गुलछडी : 80-160, बिजली : 20-50, कापरी : 10-30, शेवंती : 30-80, ऑस्टर : 10-20, गुलाबगड्डी (गड्डीचे भाव) : 15-30, गुलछडी काडी : 20-60, डच गुलाब (20 नग) : 60-120, लिलिबंडल : 6-10, अबोली लड : 250-300, जर्बेरा : 20-40, कार्नेशियन : 80-140, कागडा 200-250.