आवक वाढल्याने टोमॅटो, फ्लॉवर, कोबी स्वस्त

पुणे । ढगाळ वातावरणामुळे मार्केटयार्डातील तरकारी विभागात भाज्यांची आवक वाढली आहे. त्यामुळे टोमॅटो, फ्लॉवर, कोबी, शेवगा, घेवटा व पङ्क्षावट्याच्या भावात घट झाली आहे. तर, आवक घटल्याने भेंडी, गवार व हिरव्या मिरचीच्या दरात वाढ झाली आहे. तसेच पोंगलच्या सणामुळे दक्षिण भारतातून कांद्याला मागणी वाढली आहे. आवक-जावक कायम असल्याने वाटाणा, कांदा, बटाटा यांसह विविध फळभाज्यांचे दर स्थिर असल्याची माहिती व्यापारी विलास भुजबळ यांनी दिली.

रविवारी गुलटेकडी येथील श्री छत्रपती शिवाजी मार्केट यार्डात सुमारे 200 ट्रक शेतमालाची आवक झाली. परराज्यातून बेंगलोर येथून चार टेम्पो आले. मध्यप्रदेशमधून 20 ट्रक मटार, कर्नाटक आणि गुजरात येथून चार ट्रक कोबी, आंध्रप्रदेश, कर्नाटक आणि गुजरात येथून 17 ते 18 टेम्पो हिरवी मिरची, आंध्रप्रदेश आणि तामिळनाडू येथून 4 ते 5 टेम्पो शेवगा, राजस्थान येथून 12 ट्रक गाजर, मध्यप्रदेश आणि गुजरातमधून लसणाची तीन ते साडेतीन हजार गोणी इतकी आवक झाली. स्थानिक भागातून सातारी आले 1300 ते 1400 पोती, टोमॅटोची 6 ते साडेसहा हजार पेटी, हिरवी मिरचीची 3 ते 4 टेम्पो, फ्लॉवरची 18 ते 20 टेम्पो, काकडी 8 ते 10 टेम्पो, कोबीची 20 ते 22 टेम्पो, ढोबळी मिरचीची 10 ते 12 टेम्पो, पावटा 5 ते 6 टेम्पो, वांगी 7 ते 8 टेम्पो, तांबडा भोपळाची 8 ते 10 टेम्पो, गवारची 3 ते 4 टेम्पो, कांद्याची नवीन 175 ट्रक, आग्रा, इंदौर आणि गुजरात, तळेगाव येथून नवीन बटाट्याची 60 ते 65 ट्रक इतकी आवक झाली.

गेल्या आठवड्यात पुकारण्यात आलेला महाराष्ट्र बंद, त्यापाठोपाठ गुरुवार, शुक्रवारी संकष्टी व शनिवार आल्याने बाजारात मासळीला मागणी घटली होती. मात्र, मागणीच्या तुलनेत आवक कायम असल्याने मासळीचे तेजीतील दर टिकून असल्याची माहिती व्यापारी ठाकूर परदेशी यांनी दिली. दरम्यान, चिकन, मटण, इंग्लिश व गावरान अंड्याचे दर स्थिर आहेत.

फळभाज्यांचे दहा किलोचे भाव
कांदा : नवा : 300-380, जुना : 400-450, बटाटा : 60-120, लसूण : 150-300, आले : सातारी: 180-220, बेंगलोर: 260-270, भेंडी : 300-400, गवार : गावरान व सुरती 500-600, टोमॅटो : 50-100, दोडका : 300-400, हिरवी मिरची : 400-500, दुधी भोपळा : 60-120, चवळी : 200-250, काकडी : 100-140, कारली : हिरवी 350-400, पांढरी : 250-260, पापडी : 150-160, पडवळ : 160-180, फ्लॉवर : 100-140, कोबी : 50-80, वांगी : 200-250, डिंगरी : 140-150, नवलकोल : 80-100, ढोबळी मिरची : 250-300, तोंडली : कळी 250-300, जाड : 100-120, शेवगा : 500, गाजर : 160-180, वालवर : 240-250, बीट : 80-100, घेवडा : 250-300, कोहळा : 100-150, आर्वी : 200-250, घोसावळे : 140-180, ढेमसे : 200-250, भुईमूग : 350, पावटा : 300-350, मटार : परराज्य : 280-300, स्थानिक : 350, तांबडा भोपळा : 100-160, सुरण : 260-280, मका कणीस : 50-80, नारळ (शेकडा) : 1000-1600.

फुलांचे दर स्थीर
मार्केटयार्डातील घाऊक फुलबाजारात फुलांची आवक साधारण होत असून मागणी अभावी घटलेले दर कायम आहेत. थंडीमुळे गुलछडी, लिली, अबोली, कटफ्लॉवर आदी फुलांच्या उत्पादनावर परिणाम होत असल्याने या फुलांची आवक घटली आहे. परिणामी, याप्रकारातील चांगल्या दर्जाच्या फुलांच्या दरात किंचीतशी वाढ झाली आहे. तर, इतर फुलांचे दर स्थिर असल्याची माहिती व्यापारी सागर भोसले यांनी दिली.

फुलांचे प्रति किलोचे दर पुढीलप्रमाणे : झेंडू : 10-30, गुलछडी : 40-80, बिजली : 20-40, कापरी : 10-30, शेवंती : 30-70, ऑस्टर : 5-10, गुलाबगड्डी (गड्डीचे भाव) : 10-20, गुलछडी काडी : 10-40, डच गुलाब (20 नग) : 40-100, लिलिबंडल : 3-5, अबोली लड : 200-300, जर्बेरा : 10-20, कार्नेशियन : 60-120.

फळांचे दर पुढीलप्रमाणे :
लिंबे (प्रति गोणी) : 150-180, अननस (डझन) : 70-270, मोसंबी : (3 डझन) : 140-400, (4 डझन) : 60-250, संत्रा : (3 डझन) 180-300, (4 डझन) : 120-200, डाळिंब (प्रति किलोस) : भगवा : 20-80, गणेश 10-30, आरक्ता 10-40. कलिंगड : 05-13, खरबुज : 10-25, पपई : 03-15, चिक्कू : 100-600, पेरू (20 किलो) : 350-500, सफरचंद : सिमला 25 किलो : 1200-1800, काश्मीर डेलीशियस (15 किलो) 700-1400, किन्नोर : (25 किलो) 2000-2500, अमेरिकन डेलीशियस : (15 किलो) 1100-1400, महाराजा (15 किलो) : 600-800, बोरे : चेकनट (10 किलो) 280-320, चण्यामण्या : 400-500, चमेली : 80-110, उमराण : 35-50, द्राक्षे : तासगणेश (15 किलो) 700-1000, सुपर सोनाका (15 किलो) : 800-1400, जम्बो (10 किलो) : 400-1000, शरद (10 किलो) : 400-800, सोनाका (15 किलो) : 700-1000, सरिता (10 किलो) : 1000-1200, स्ट्रॉबेरी 100-200.

चुका महागला; मुळे, कांदापात स्वस्त
उत्पादनात घट झाल्याने बाजारात चुका पालेभाजीची आवक घटल्याने दरात वाढ झाली आहे. तर, गेल्या आठवड्याच्या तुलनेत आवक वाढल्याने मुळे, कांदापातचे दर घटल्याची माहिती व्यापार्‍यांनी दिली. रविवारी येथील मार्केट यार्डात सुमारे 1 लाख 75 हजार जुडी कोथिंबीर तर 75 हजार मेथीची आवक झाली.

पालेभाज्यांचे भाव (शेकडा जुडी)
कोथिंबीर : 300-700, मेथी : 300-500, शेपू : 300-500, कांदापात : 600-1000, चाकवत : 500-600, करडई : 400-500, पुदिना : 200-400, अंबाडी :500-600, मुळे : 500-1000, राजगिरा : 500-600, चुका : 800-1000, चवळई : 500-700, पालक : 400-600, हरभरा गड्डी : 400-800.

संक्रातीमुळे बोरांची मागणी वाढली
येत्या रविवारी (दि. 14) आलेल्या मकर संक्रांतीमुळे उमरान, चेकनट आदी बोरांना मागणी वाढली आहे. राज्यातील विविध आठवडे बाजारातील विक्रेत्यांकडून मोठ्या प्रमाणात मागणी होत असल्याने भाव 20 टक्क्यांनी वधारल्याचे व्यापार्‍यांनी सांगितले. तसेच थंडीचा कडाका वाढल्याने कलिंगड, डाळींबाची आवक घटली आहे. परिणामी, त्यांच्या दरात 10 टक्क्यांनी वाढ झाली आहे. बेळगावरून चिक्कूची आवक घटल्याने दरात वाढ झाली असून सद्यस्थितीत गुजरात, नारायणगाव, मंचर येथून चिक्कू बाजारात दाखल होत आहे. रविवारी येथील फळबाजारात अननस 5 ट्रक, मोसंबी जुना 30 टन, नवा बहार 15 टन, संत्री 10 टन, डाळिंब 25 ते 30 टन, पपई 15 ते 20 टेम्पोे, लिंबाची 4 ते 5 हजार गोणी, चिक्कू 600 ते 700 डाग, पेरु 600 ते 700 क्रेटस्, कलिंगड 8 ते 10 टेम्पो, खरबुज 5 ते 6 टेम्पो, सफरचंद 5 ते 6 हजार पेटी, बोरे अडीच हजार गोणी, द्राक्षे 12 टन, स्ट्रॉबेरी पाच टन इतकी आवक झाल्याचे व्यापार्‍यांनी सांगितले.

मासळीचे दर स्थिर भाव (प्रतिकिलो)
गणेश पेठेतील घाऊक बाजारात खोल समुद्रातील मासळीची सुमारे 10 टन, खाडीच्या मासळीची सुमारे 300 ते 400 किलो आणि नदीतील मासळीची सुमारे 700 ते 800 किलो इतकी आवक झाली. तर, आंध्रप्रदेशातील रहु, कतला, सीलन या मासळींची सुमारे 10 ते 12 टन आवक झाली असल्याची माहिती मासळीचे व्यापारी ठाकूर परदेशी यांनी दिली.

मासळीचे दर पुढीलप्रमाणे (प्रतिकिलो) : पापलेट : कापरी : 1500, मोठे : 1500, मध्यम : 900, लहान : 650-750, भिला : 550, हलवा : 480, सुरमई : 440-480, रावस लहान : 480, मोठा : 550, घोळ : 550, करली : 280, करंदी ( सोललेली ) : 240, भिंग : 200, पाला : 600-1300, वाम : 360-700, ओले बोंबील : 100-140. कोळंबी : लहान : 240, मोठी : 500, जंबोप्रॉन्स : 1500, किंगप्रॉन्स : 800, लॉबस्टर : 1500, मोरी : 200-280, मांदेली : 100, राणीमासा : 160, खेकडे : 200, चिंबोर्‍या : 480. खाडीची मासळी : सौंदाळे : 240, खापी : 180, नगली : 360-480, तांबोशी : 360, पालू : 200, लेपा : 140-200, शेवटे : 240, बांगडा : 100-180, पेडवी : 50-60, बेळुंजी : 120, तिसर्‍या : 160, खुबे : 140, तारली : 100.
नदीची मासळी : रहू : 160, कतला : 180-200, मरळ : 480, शिवडा : 200, चिलापी : 50-80, मांगूर : 140, खवली : 200, आम्ळी : 80, खेकडे : 200, वाम : 500.

मटण : बोकडाचे : 440, बोल्हाईचे : 440, खिमा : 440, कलेजी : 480.
चिकन : चिकन : 150, लेगपीस : 180, जिवंत कोंबडी : 120, बोनलेस : 260.
अंडी : गावरान : शेकडा : 780, डझन : 160 प्रति नग : 9. इंग्लिश : शेकडा : 370 डझन : 60 प्रतिनग : 5.