आषाढी एकादशीनिमित्त पंढरपूरसाठी विशेष रेल्वे

खासदार रक्षा खडसे यांच्या प्रयत्नांना यश

भुसावळ- आषाढी एकादशीनिमित्त माजी महसूलमंत्री एकनाथराव खडसे यांच्या मार्गदर्शनाखाली खासदार रक्षा खडसे यांच्या प्रयत्नांनी पंढरपूरला जाण्यासाठी वारकरी व भाविकांसाठी विशेष रेल्वेचे 22 जुलै राजी भुसावळवरून सोडण्यात येणार आहे. ही गाडी सकाळी 9.15 वाजता भुसावळ येथून निघेल व पंढरपूर येथे रात्री 10.10 मिनिटांनी पोहोचेल. 23 जुलै रोजी रात्री 9.50 मिनिटांनी ही गाडी पंढरपूर येथून सुटेल व 24 जुलै रोजी दुपारी 2.40 मिनिटांनी भुसावळ येथे पोहोचणार आहे. वारकरी व भाविकांनी या गाडीचा लाभ मोठ्या प्रमाणावर घ्यावा, असे आवाहन खासदार रक्षा खडसे यांनी केले आहे.