इंडियन वुमन्स हॉकी टीमचा विजय

काकामिगहारा : इंडियन वुमन्स हॉकी टीमने आशिया कप पटकावला आहे. फायनलमध्ये भारताने चीनला पराभूत केले. शेवटपर्यंत सामना 1-1 अशा बरोबरीवरच होता. यानंतर विनर शूटआऊटने ठरवला जाणार असा निर्णय घेण्यात आला. त्यामध्ये भारताने चीनला 5-4 ने मात दिली आहे. भारतीय महिला हॉकी संघाने आशिया कप जिंकण्याची ही दुसरी वेळ आहे.

यापूर्वी इंडियन वुमन्स टीमने 2004 मध्ये जपानला पछाडून पहिल्यांदा आशिया कप जिंकला होता. तर, 1999 आणि 2009 मध्ये टीम उपविजेती राहिली आहे. भारतीय महिलांनी शुक्रवारी यापूर्वी चॅम्पियन राहिलेला संघ जपानला 4-2 ने पराभूत करून फायनलमध्ये धडक मारली होती. तर, चीनचा संघ दक्षिण कोरियाला पराभूत करून फायनलमध्ये पोहोचला होता.