इंदिराजींच्या जयंतीनिमित्त घेतली राष्ट्रीय एकात्मतेची शपथ

ठाणे । ठाणे जिल्हा परिषदेच्या वतीने रविवार, 19 नोव्हेंबर रोजी माजी पंतप्रधान स्वर्गीय श्रीमती इंदिरा गांधी यांच्या जयंतीनिमित्ताने त्यांच्या प्रतिमेस पुष्पहार अर्पण करून त्यांना अभिवादन करण्यात आले. तसेच यावेळी राष्ट्रीय एकात्मता दिन साजरा करण्यात आला असून यानिमित्ताने राष्ट्रीय एकात्मतेची शपथ घेण्यात आली. यावेळी मुख्य कार्यकारी अधिकारी विवेक भीमनवार यांनी इंदिराजींच्या व्यक्तिमत्वावर प्रकाश टाकला. यावेळी जिल्हा परिषदेतील सर्व अधिकारी व कर्मचार्‍यांनी इंदिरा गांधी यांच्या प्रतिमेस वंदन केले.

अधिकारी व कर्मचार्‍यांची उपस्थिती
याप्रसंगी मुख्य कार्यकारी अधिकारी विवेक भीमनवार, अतिरिक्त मुख्य कार्यकारी अधिकारी रवींद्र पाटील, उप मुख्य कार्यकारी अधिकारी (साप्रवि) चंद्रकांत पवार, जिल्हा आरोग्य अधिकारी डॉ. बी. एस. सोनावणे, उप मुख्य कार्यकारी अधिकारी (स्वच्छता व पाणी पुरवठा) मानसी बोरकर, जिल्हा पशुसंवर्धन अधिकारी डॉ. प्रशांत कांबळे, जिल्हा महिला व बाल विकास अधिकारी संतोष भोसले, जिल्हा समाजकल्याण अधिकारी रविकिरण पाटील व कर्मचारीवर्ग उपस्थित होता.

मनपामध्ये अभिवादन
ठाणे महानगरपालिकेच्या विद्यमाने रविवारी माजी पंतप्रधान स्वर्गीय श्रीमती इंदिरा गांधी यांच्या जयंती निमित्ताने त्यांच्या प्रतिमेस पुष्पहार अर्पण करुन अभिवादन करण्यात आले. तसेच या दिवशी ’राष्ट्रीय एकात्मता दिन’ साजरा करण्यात आला असून या निमित्ताने शपथ ग्रहण करण्यात आली. यावेळी नगरसेवक तथा शिवसेना गटनेते दिलीप बारटक्के व महापालिका कर्मचारी वर्ग उपस्थित होते.