इन्स्टाग्रामवर लाईव्ह ‘थ्रील’ दाखविणे पडले महागात

अपघातात गेला शुभमचा जीव

पिंपरी : खरालवाडीत ग्रेडसेपरेटरमध्ये पिलरला धडकून रविवारी सकाळी एका 21 वर्षीय तरुणाचा दुर्देवी मृत्यू झाला होता. मात्र या घटनेबद्दल नवी माहिती समोर आली आहे. मित्रांना आपण किती वेगाने कार चालवतो हे दाखवण्यासाठी या तरुणाने इन्स्टाग्राम लाईव्हवर करुन हा थरारक प्रकार दाखवताना हा अपघात झाल्याचे समोर आले आहे.

तब्बल 120 ते 140 ची वेगमर्यादा दाखवत असताना, चालक शिवम जाधवचा (वय 21) अपघातात मृत्यू झाला. पिंपरी चिंचवडमध्ये रविवारी (दि 13) पहाटे पाच वाजता हा अपघात झाला.

प्राप्त माहितीनुसार, शिवम आणि त्याचा आतेभाऊ हृषिकेश पवार हे चिंचवडहून पिंपरीच्या दिशेने येत होते. तेव्हा हृषीकेशने शिवमच्या इन्स्टाग्रामवर लाईव्ह सुरु केले. शिवमने गाडीचा वेग ताशी 120 ते 140 किमीवर नेला. तोपर्यंत इन्स्टाग्राम लाईव्ह सुरुच होते. मात्र कार पिंपरी ग्रेडसेपरेजटजवळ आली असता, नियंत्रण सुटल्याने गाडी दुभाजकाच्या पिलरला धडकल्याने अपघात झाला. सुसाट वेगात असल्याने दुभाजकावरुन सुमारे 500 मीटर घसरत गेली. यात शिवम जाधवचा जागीच मृत्यू झाला. तर मोबाईल हातात धरलेला हृषीकेश पवार गंभीर जखमी झाला.