इम्रान खान तिसर्यांदा लग्नाच्या बेडीत
कराची : पाकिस्तानी क्रिकेट संघाचे माजी कर्णधार आणि तेहरिक-ए-इन्साफ पक्षाचे अध्यक्ष इम्रान खान तिसर्यांदा विवाहबंधनात अडकले आहेत. आध्यात्मिक गुरु बुशरा मेनका हिच्यासोबत इम्रान खान लग्नाच्या बेडीत अडकले आहेत. गेल्या काही दिवसांपासून त्यांच्या तिसर्या लग्नाच्या चर्चा सुरु होत्या. अखेर त्यांच्याच पक्षाने ऑफिशियल ट्विटर हँडलरवरुन इम्रान खान यांना लग्नाच्या शुभेच्छा देऊन, लग्नाच्या बातमीवरही शिक्कामोर्तब केले. इम्रान खान आणि पत्नी बुशरा मेनका यांच्या लग्नाचे फोटोही पीटीआयने ट्विटर हँडलवरुन शेअर केले.बुशरा मेनका या आध्यात्मिक परंपरेतील आहेत. इम्रान खान हे बुशरा यांच्याकडे आध्यात्मिक मार्गदर्शन घेण्यासाठी जात असत. दोघेही एकमेकांना गेल्या दोन वर्षांपासून ओळखत होते.