उत्तर कोरियाला उद्ध्वस्त करण्यासाठी अमेरिका सज्ज
अमेरिका | अमेरिका उत्तर कोरियाच्या सर्व नाशासाठी सज्ज आहे. पण तूर्तास याची गरज पडणार नाही. कारण संयुक्त राष्ट्र अस्तित्वात असल्याचे अमेरिकेचे राष्ट्राध्यक्ष डोनाल्ड ट्रम्प यांनी युनोला संबोधित करताना म्हटले आहे. ट्रम्प यांनी यावेळी उत्तर कोरियाचा हुकूमशाह किम जोंगचा उल्लेख रॉकेट मॅन म्हणून केला. रॉकेट मॅन त्यांच्या देशातील लोक आणि भ्रष्ट सरकारमुळे आत्मघातकी मिशनवर आहे. उत्तर कोरियाची आण्विक शस्त्र बाळगण्याची इच्छा आणि मिसाइल चाचणीमुळे जगभरात दहशतीचे वातावरण आहे. आण्विक अप्रसार करण्याशिवाय पर्याय नाही, हे उत्तर कोरियाने समजून घ्यावे, असेही ट्रम्प यांनी ठणकावले. इस्लामिक दहशतवादाच्या मुद्द्यावरही ट्रम्प यांनी बोट ठेवले. अल-कायदा, हिजबूल यांसारख्या दहशतवादी संघटनांना बळ देणार्‍या देशांचाही पर्दाफाश करण्याची गरज असल्याचे ट्रम्प यांनी सांगितले.