उपजिल्हाधिकारी वर्गातील तीन अधिकार्‍यांच्या बदल्या
जळगाव : जिल्ह्यातील महसूल विभागातील मंडळ अधिकारी, तलाठी यांची बदली नुकतीच करण्यात आली आहे. त्यानंतर आता जिल्हाधिकारी कार्यालयातील उपजिल्हाधिकारी वर्गातील तीन अधिकार्‍यांची बदली करण्यात आली आहे. तसेच बदली झालेल्या अधिकार्‍यांच्या जागेवर नवीन अधिकार्‍यांच्या बदलीचे आदेश काढण्यात आले आहे. अनेक दिवसांपासून प्रभारी कारभार असलेल्या जिल्हा पुरवठा अधिकारी पदावरील प्रतिनियुक्ती संपुष्टात आणत जिल्हा पुरवठा अधिकारी अरविंद अंतुर्लीकर यांची धुळे येथे निवासी उपजिल्हाधिकारी पदावर बदली करण्यात आली आहे. अंतुर्लीकर यांच्या जागी पुणे महानगर पालिकेचे उपायुक्त सुहास मापारी येणार आहे. निवडणुक अधिकारी मनोहर चौधरी यांची नंदुरबार येथे पुनर्वसन अधिकारी या रिक्त पदावर बदली करण्यात आली आहे. त्यांच्या जागी वाशिम येथील उपजिल्हा निवडणूक अधिकारी प्रकाश पाटील येणार आहे. जिल्हाधिकारी कार्यालातील उपजिल्हाधिकारी (भूसंपादन) या रिक्त असलेल्या जागेवर नंदुरबारचे उपजिल्हाधिकारी रोजगार हमी योजना ामसिंग सुलाने येणार आहे. सोबतच अमळनेर उपविभागीय अधिकारी संजय गायकवाड यांची धुळे येथे विशेष भूसंपादन अधिकारी म्हणून बदली करण्यात आली आहे.