उषा भोईर यांनी केली रुग्णालयाची पाहणी

नेरुळ । महापालिका रुग्णालयात आरोग्य सेवांचा बोजवारा उडाला असल्याने, नवी मुंबई महानगरपालिका आरोग्य परिरक्षण व वैद्यकीय सहाय्य समितीच्या सभापती पदाची जबाबदारी स्वीकारल्यानंतर पहिल्यांदाच उषा भोईर यांनी यांनी ऐरोली येथील राजमाता जिजाऊ भोसले मनपा रुग्णालयाला भेट देऊन आरोग्य सेवांचा आढावा घेण्यासाठी पाहणी दौरा आयोजित केला. यावेळी भोईर यांच्या समवेत सदस्य दिव्या गायकवाड, अंजली वाळुंज, शशिकला सुतार, नंदा काटे व ज्ञानेश्वर सुतार उपस्थित होते. साफ सफाई विभागाचे सुपरवाईझर यांच्यासह प्रत्येक विभागाची पाहणी करून दिल्या जाणार्‍या आरोग्य सुविधांविषयी माहिती घेतली.

रुग्णालयात डॉक्टर, कर्मचारी वर्गाची कमतरता
रुग्णालयात यंत्रे सामुग्रीची, डॉक्टर, कर्मचारी वर्गाची कमतरता असल्याचे या पाहणी दौर्‍यात त्यांच्या निदर्शनास आले. उषा भोईर यांनी सांगितले कि, आज ऐरोलीच्या रुग्णालयात ऐरोली, दिघा, आणि अन्य क्षेत्रातील रुग्ण मोठ्या संख्यने उपचारासाठी येत आहेत त्यामुळे रुग्णालयावर याचा ताण पडत आहेत आणि ज्याचा परिणाम हा आरोग्य सेवांवर होताना दिसत आहे म्हणूनच आपण रुग्णालयातील आरोग्य सेवा सुरळीत व्हावी आणि रुग्णांची हेळसांड होऊ नये म्हणून सभापती म्हणून प्राधान्याने काम करणार आणि ज्या अत्यावश्यक सेवांची तातडीने आवश्यकता असेल त्याविषयीचे ठराव आपण आरोग्य समिती च्या सदस्यांबराबर चर्चा करून महासभेत आणणार आहोत.Ê