एकाचवेळी 2 जाहिरातींमुळे धोनी गोत्यात
नवी दिल्ली । भारतीय संघाचा माजी कर्णधार महेंद्रसिंग धोनीला एकाच वेळी दोन वेगवेगळ्या उत्पादनांची जाहिरात केल्याप्रकरणी धोनीला दिल्ली उच्च न्यायालयाने नोटीस बजावली बजावत भूमिका मांडण्याचे आदेश दिले आहेत. याप्रकरणी आता 13 सप्टेंबररोजी पुढील सुनावणी होणार आहे. धोनी फिट 7 आणि स्पोर्ट्सफिट या दोन्ही ब्रँडच्या जाहिराती करतो. विकास अरोरा यांनी याचिका दाखल करताना धोनीने नियमांचे उल्लंघन करत प्रतिस्पर्धी कंपनी म्हणजेच फिट-7 साठी जाहिरात केल्याचे म्हटले आहे.
हायकोर्टात झालेल्या सुनावणीत न्यायमूर्तींनी धोनीला नोटीला नोटीस बजावत भूमिका मांडण्याचे आदेश दिले. याशिवाय फिट-7 आणि एसडब्ल्यूपीएलच्या संचालक मंडळालाही हायकोर्टाने नोटीस बजावली आहे. एसडब्ल्यूपीएलने मात्र ही याचिका चुकीच्या उद्देशाने दाखल करण्यात आल्याचा दावा केला आहे. नियमांचे उल्लंघन होत असले तरी अद्याप संचालकांनी धोनीवर कारवाई करण्याचा निर्णय घेतलेला नसल्याचे समजते. धोनीने 22 कोटी रुपये या कंपनीत गुंतवले आहेत. गुंतवलेली रक्कम परत मिळाल्यावर धोनीने कंपनीतून बाहेर पडण्याची तयारी दर्शवली आहे.