एक्सप्रेस वे-वर अपघातात तीन ठार

खालापूर : मुंबई-पुणे एक्सप्रेस वे-वर खालापूरजवळ शनिवारी दुपारी एका कारला झालेल्या भीषण अपघातात एकाच कुटुंबातील तिघांचा जागीच मृत्यू झाला. अपघातात कारचा अक्षरश: चक्काचूर झाला. खालापूरच्या फूड मॉलजवळ दुपारी 12 वाजण्याच्या सुमारास हा अपघात झाला. अपघातग्रस्त कार मुंबईच्या दिशेने येत होती. कारने पाण्याच्या टँकरला पाठीमागून जोरदार धडक दिली.

त्यात पनवेल येथील कुमार ओसवाल आणि त्यांची पत्नी व मुलगी जागीच ठार झाले. अपघातानंतर मुंबई-पुणे एक्सप्रेस मार्गावर काही काळ वाहतूक कोंडी झाली होती. कार बाजूला केल्यानंतर वाहतूक पूर्ववत सुरू झाली.