एडस् झालेल्या तरुणीशी विवाह लावून सुरतच्या तरुणाची दीड लाखांत फसवणूक

जळगावात प्रकरण मिटविण्यासाठी आले न झाला भोभाटा ; दोंडाईचा येथील दलाल महिलेले पैसे घेवून केला कारनामा ; यापूर्वी तरुणीचा तीन तरुणांशी विवाह लावल्याचा धक्कादायक प्रकार

जळगाव : दोंडाईचा येथील महिलेले सुरत येथील तरुणाचा बुलढाणा येथील एडस् झालेल्या तरुणीची विवाह लावून फसवणूक केल्याचा धक्कादायक प्रकार मंगळवारी दुपाी उघडकीस आला आहे. दरम्यान दोंडाईच्याच्या दलाल महिलेने तरुणाकडून या विवाहासाठी दीड लाख रुपये घेतले होते. हे पैसे करावेत म्हणून ती महिलेसह दोन जणी व तरुणासह त्याच्याकडील काही मंडळी जळगावात आले. शहरातील एका दवाखान्याबाहेर त्याचा वाद झाल्यानंतर भोभाटा झाला अन् प्रकार समोर आला. वादात एका महिलेने तरुणाकडील एकाला चावाही घेतल्याने त्याला गंभीर दुखापतही झाल्याची आश्‍चर्यजनक घटनाही यावेळी घडली. विशेष म्हणजे अशाच प्रकारे एडस् झालेल्या तरुणीचा यापूर्वी तीन जणांसोबत विवाह झाल्याची बोंबही यावेळी फुटल्याने दलाल महिलेला तरुणाने चांगलाच चोप दिल्याने एकच गर्दी जमली होती.

सूत्रांनी दिलेल्या माहितीनुसार, बुलडाणा येथील एका 21 वर्षीय तरुणीचा विवाह सुरत येथील तरुणाशी दोन महिन्यापूर्वी झाला. हा विवाह जमविण्यासाठी दोंडाईचा येथील एका महिलेने मध्यस्थी केली. त्याबदल्यात तिने दीड लाख रुपये घेतले. गेल्या महिन्यात तरुणी रात्री गोळ्यांचे सेवन करताना तिच्या पतीला दिसल. पत्नी आजारी नसतानाही डॉक्टरकडील गोळ्या का घेतेयं? या गोळ्या नेमक्या कशाच्या? म्हणून तरुणाने पत्नीला विचारले, मात्र तिने वेगळे कारण सांगून माहिती लपविली.

असा झाला प्रकरणाचा भोभाटा
पत्नी लपून औषधांचे सेवन करीत आहे, मात्र पती असूनही आपल्याला सांगत नाही म्हणून तरुणाला शंका आली. त्याने सुरतमध्येच नातेवाईकाला हा प्रकार सांगितला. गोळ्यांची माहिती काढायला सुरुवात केल्यानंतर रक्त तपासणीचा निर्णय घेतला. या तपासणीला तरुणीने नकार दिला. पतीचा 20 लाखाचा विमा आहे, त्याला वारस म्हणून पत्नी लागते व त्यासाठी रक्ताचे अहवाल जोडावे लागतात असे सांगून तरुणीचे रक्त तपासले. त्याचा अहवाल हातात पडताच तरुणाचे हातपाय गळाले. त्यात एडस्ची बाधा असल्याचे निष्पन्न झाले.त्यानंतर तरुणीच्या बॅगेतील कागदपत्रे तपासले असता सुरत येथील एआरटी केंद्राचेही अहवाल मिळून आले.

तरुणालाही गंभीर आजाराची शक्यता
मुलगी बुलडाणा येथील मुलगा सुरतचा व मध्यस्थी महिला दोंडाईचा येथील. त्याशिवाय तरुणाचे काही नातेवाईक कुसुंबा येथील असल्याने मंगळवारी सर्व जण ठरल्याप्रमाणे महामार्गावरील एका मल्टीस्पेशालिटी रुग्णालयाच्या बाहेर जमले. तेथे दलाल महिलेला पाहताच तरुणाचा संताप झाला आणि त्याने तिला चोप द्यायला सुुरुवात केली. पोलीस स्टेशनपर्यंत जाण्याचा निर्णय घेण्यात आला. मात्र प्रकरण जळगावच्या बाहेरचे असल्याने सुरत येते तक्रार करण्याचा निर्णय घेण्यात आला. दरम्यान, या तरुणीने याआधी देखील तीन जणांशी अशाच पध्दतीचा विवाह केल्याचे तरुणाच्या नातेवाईकांनी सांगितले. त्याचे काही फोटोही त्यांच्याजवळ होते. दरम्यान विवाहन तरुणाने त्या तरुणीची शारिरीक संबंध ठेवल्याने त्यालाही आजाराची गंभीर शक्यता असून वैद्यकीय तपासणीत प्रकार समोर येणार आहे.