एफटीआयआयची तीन एकर जागा एनएफआयला
पुणे : भारतीय चित्रपटसृष्टीतील दुर्मिळ चित्रपटांचा ठेवा जतन करण्याचे महत्त्वपूर्ण काम करणार्‍या राष्ट्रीय चित्रपट संग्रहालयाला (एनएफएआय) जागेअभावी चित्रपटांच्या संकलनास मर्यादा येत आहेत. मात्र आता चित्रपट संकलनासाठीची क्षमता वाढविण्याच्या दृष्टीने एनएफएआयने पावले उचलली असून, फिल्म अँड टेलिव्हिजन इन्स्टिट्यूट ऑफ इंडियाने (एफटीआयआय) कोथरूडमधील आपली 3 एकर जागा एनएफएआयला उपलब्ध करून दिली आहे. या जागेच्या हस्तांतरणासंदर्भात या दोन सरकारी संस्थांमध्ये सामंजस्य करार झाला आहे. आता एनएफएआयची चित्रपट संकलित करण्यासाठीची क्षमता पूर्णपणे संपली आहे. त्यासाठी नवीन जागेची गरज लक्षात घेऊन जागा उपलब्ध करुन देण्यात आली आहे.