एमआयएम ‘त्या’ नागरसेवकास वर्षभरासाठी तुरुंगवास

औरंगाबाद-माजी पंतप्रधान अटल बिहारी वाजपेयी यांना श्रद्धांजली वाहण्यास नकार देणाऱ्या एमआयएमच्या नगरसेवकास एक वर्षाची न्यायालयीन कोठडी सुनावण्यात आली आहे. नगरसेवक सय्यद मतीन यांनी दिवंगत माजी पंतप्रधान अटल बिहारी वाजपेयी यांच्या श्रद्धांजलीच्या ठरवला विरोध केल्याप्रकरणी नगरसेवक सय्यद मतीन यांना मारहाण झाली होती.

गुन्हेगारी व धोकादायक कारवायांची गंभीर दखल घेऊन औरंगाबाद पोलिसांनी महाराष्ट्र धोकादायक कारवाया प्रतिबंधक कायद्यान्वये (एमपीडीए १९८१) मतीन यांच्यावर कारवाई केली आहे. मतीन यांची एका वर्षासाठी हर्सुल येथील मध्यवर्ती कारागृहात रवानगी केली आहे.

मतीन याच्यावर बेकायदेशीर जमाव जमविणे, जाळपोळ करून नुकसान पोहोचविणे, मनुष्यहानी होईल असे धोकादायक कृत्य करणे, जाणीवपूर्वक नुकसान पोहोचविणे, लोकसेवकांवर हल्ला करणे, आदेशाचे उल्लंघन करणे, सरकारी कामात अडथळा, दोन जमातींत तेढ निर्माण करणे, असे विविध गुन्हे दाखल आहेत.