एमआयडीसीमधील समस्या सोडविण्यासाठी खासदार आढळराव पाटील यांना ‘साकडे’

पिंपरी : फोरम ऑफ स्मॉल स्केल इंडस्ट्रीज असोसिएशनचे आणि पिंपरी-चिंचवड शहर विकास आघाडीचे अध्यक्ष अभय भोर यांच्या कंपनीवर खासदार शिवाजी दादा आढळराव पाटील यांची बैठक पार पडली. या बैठकीला विविध भागातील उद्योजक, व्यापारी, कामगार व झोपडपट्टी परिसरातील कार्यकर्ते उपस्थित होते. याप्रसंगी स्वच्छ सर्वेक्षण अंतर्गत महानगरपालिकेने एमआयडिसी परिसरातील महिलांसाठी स्वच्छतागृह बनवावे, अशी मागणी अभय भोर सातत्याने करत आहेत. परिसरामध्ये स्वच्छ सर्वेक्षण खाली एकही महिला स्वच्छतागृह आत्तापर्यंत उभारले गेले नाही. त्यामुळे लवकरात लवकर महिला शौचालय उभारण्यासाठी पालिकेने मदत करण्याची गरज आहे.

अध्यक्ष अभय भोर यांनी सांगितले की, शहरातील बहुतांश तरुण हे बेरोजगार आहेत उच्चशिक्षित आहेत. परंतु एमआयडिसी भागात त्यांना व्यवसायासाठी जागा उपलब्ध नाही. नगरपालिकेने जो लघुउद्योजकांचा प्रकल्प सुरू केला आहे, त्याला चालना द्यावी. नवीन महिलांसाठी इंडस्ट्रिअल कॉम्प्लेक्स तसेच तरुण गटांना इंडस्ट्रियल कॉम्प्लेक्स बांधण्यासाठी जागा उपलब्ध करून द्याव्यात. जेणेकरून तरुणांना रोजगार सुरू करता येईल. बालाजीनगर परिसरातून नेहरूनगर भागात असंख्य विद्यार्थी पायी वाटचाल करत येतात. त्यासाठी त्या भागांमध्ये भुयारी मार्ग किंवा पादचारी पूल उभारावा जेणेकरून अपघाताचा धोका होणार नाही. एमआयडिसी परिसरातील पर्यावरण उद्यानांमध्ये सुधारणा करून उद्योजकांसाठी जॉगिंग पार्क तसेच आरोग्य शिबिरे व सहली आयोजित करण्यासाठी उद्योगांना मूलभूत सुविधा करून द्याव्यात. यावर

यावर खासदार पाटील यांनी सांगितले की, लवकरच महानगरपालिका व एमआयडिसी अधिकारी यांची बैठक घेऊन या मागण्या पूर्ण करण्याकडे लक्ष देणार आहोत. नाशिक फाटा ते खेड प्रस्तावित सहापदरी मार्गाला लवकरच मान्यता मिळेल नाशिक फाटा ते राजगुरुनगर हायवेमध्ये मेट्रोचा विषय आल्यामुळे कमी होण्यास विलंब लागला आहे. या बैठकीला माजी नगरसेविका सुलभा उबाळे, धनंजय आल्हाट, उद्योजक फोरमचे उपाध्यक्ष कार्तिक गोवर्धन, बालाजीनगरचे कार्यकर्ते इस्माईल नदाफ, करण शिंदे, संतोष गायकवाड, फोरम इव्हेंट ग्रुप मुजफ्फर इनामदार, चेतन साबळे,  रमेश बटवाल, कृष्णा वाघमारे, विक्रमजीत दत्ता, भाऊसाहेब आडगळे, ए.बी.शेख, ऋषिकेश तावरे, श्रीकृष्ण नरहरी, केतन बटवाल, पोपटराव लोखंडे पाटील, असोसिएशनचे कार्यकर्ते, उद्योजक उपस्थित होते.