एरंडोल येथे कोविड सेंटर सुरू करण्याची शिवसेना आमदारांची सुचना

एरंडोल :तालुक्यातील कोरोनाचा वाढता प्रादुर्भाव रोखण्यासाठी एरंडोल येथे कोविड केअर सेंटर तात्काळ सुरू करावे अशी सुचना आमदार चिमणराव पाटील यांनी स्थानिक प्रशासकीय यंत्रणेला दिली.
कोरोनाच्या पार्श्वभूमीवर नगरपालिकेच्या सभागृहात लोकप्रतिनीधी व अधिकार्‍यांची बैठक पार पडली. बैठकीला प्रांताधिकारी विनय गोसावी, नायब तहसिलदार एस.पी.शिरसाठ, मुख्याधिकारी किरण देशमुख, पोलिस निरीक्षक ज्ञानेश्वर जाधव, तालुका वैद्यकीय अधिकारी डॉ.फिरोज शेख, डॉ.कैलास पाटील, जि.प.सदस्य नाना महाजन, तालुकाप्रमुख वासुदेव पाटील, पंचायत समिती उपसभापती अनिल महाजन, नगरपरिषदेचे उपनगराध्यक्ष अभिजित पाटील, नगरसेवक चिंतामण पाटील,कुणाल महाजन, योगेश महाजन तसेच राजु ठाकुर, जग्गु ठाकुर, कुणाल पाटील, परेश बिर्ला,व्यापारी बांधव,शहरातील नागरीक व पत्रकार आदी उपस्थित होते. दर बुधवारी एरंडोल शहरात कडकडीत बंद पाळण्यात यावा, नियमांचे उल्लंघन करणार्‍यांवर कडक कारवाई करण्यात येईल असा इशाराही देण्यात आला.