ऑगस्टा वेस्टलँड:आघाडी सरकारमधील कोणत्याही नेत्यांनी लाच घेतली नाही-ख्रिश्चिअन मिशेल

नवी दिल्ली-व्हीव्हीआयपी व्यक्तींसाठी इटलीच्या ऑगस्टा वेस्टलँड कंपनीकडून खरेदी करण्यात आलेल्या हेलिकॉप्टर घोटाळयातील आरोपी ख्रिश्चिअन मिशेलने संपुआ सरकारमधील कुठलाही नेता किंवा संरक्षण मंत्रालयातील कुठल्याही अधिकाऱ्याने लाच घेतली नाही असे सांगत आरोप फेटाळून लावले आहे. परंतू मार्गदर्शक फी म्हणून ऑगस्ट वेस्टलँडकडून पैसे घेतल्याचे मान्य केले आहे.

मूळ ब्रिटीश नागरिक असलेल्या ख्रिश्चिअन मिशेलचे सौदी अरेबियाने कुठल्याही अटी-शर्तीशिवाय भारताला प्रत्यार्पण केले. त्याला सीबीआय न्यायालयाने पाच दिवसांची कोठडी सुनावली आहे. ख्रिश्चिअनचे हस्ताक्षर असलेल्या चिठ्ठयांमध्ये पैसे दिल्याचा उल्लेख आहे. पण आता मी असल्याने लिहू शकत नाही असा दावा केला आहे. ज्या चिठ्ठयाांमध्ये राजकीय नेते आणि नोकरशहांना पैसे दिल्याच्या नोंदी आहेत त्या गुइडो हास्चके या युरोपियन मध्यस्थाने लिहिल्याचा दावा त्याने केला आहे.

मिशेलने लिहिलेल्या चिठ्ठीमध्ये पीटर ह्युलेटने सोनिया गांधींशिवाय तत्कालिन पंतप्रधान मनमोहन सिंग, तत्कालिन संरक्षण मंत्री प्रणव मुखर्जी आणि सोनिया गांधींचे राजकीय सल्लागार अहमद पटेल यांच्यापर्यंत पोहोचण्याचा प्रयत्न करावा असे म्हटले आहे. पीटर ह्युलेट त्यावेळी ऑगस्टा वेस्टलँडचा भारतातील सेल्स विभागाचा प्रमुख होता.

सीबीआयच्या आरोपपत्रानुसार ख्रिश्चिअन मिशेलने एका कुटुंबाबरोबर लॉबिंग करण्यासाठी ऑगस्ट वेस्टलँडबरोबर दोन करार केले. एक ४२ मिलियन तर दुसरा २८ मिलियन युरोचा करार होता. इथे माजी हवाई दल प्रमुख एस.पी.त्यागी आणि त्यांच्या चुलतभावाशी संबंधित फॅमिली हा उल्लेख आहे.