ओझरखेडा येथून चोरट्यांनी व्यायामशाळेचे साहित्य लांबवले

Thieves stole gym equipment from Ozarkheda भुसावळ : तालुक्यातील ओझरखेडा येथील श्री संत ज्ञानेश्वर शिक्षण प्रसारक मंडळ संचलित माध्यमिक शाळेच्या व्यायामशाळेतून चोरट्यांनी 21 हजार 750 रुपये किंमतीचे व्यायामशाळेचे साहित्य लांबवल्याचा प्रकार उघड झाला. या प्रकरणी वरणगाव पोलिसात गुन्हा दाखल करण्यात आला.

दरवाजा तोडून लांबवले साहित्य
तुकाराम किसनसिंग पाटील (51, ओझरखेडा) यांच्या फिर्यादीनुसार, ओझरखेडा येथील व्यायामशाळेच्या सिमेंट दरवाज्याची फ्रेम तोडून चोरट्यांनी 10800 रुपये किंमतीच्या लोखंडी प्लेटस, 10 हजार 980 रुपये किंमतीचे डंबेल्स लांबवले. हा प्रकार 4 ते 5 सप्टेंबर दरम्यान घडला. या प्रकरणी वरणगाव पोलिसात अज्ञात चोरट्यांविरोधात गुन्हा दाखल करण्यात आला असून तपास हवालदार मनोहर पाटील करीत आहेत.