ओबीसींच्या समस्यांसाठी भुजबळांसोबत लढा देणार-खडसे

मुंबई : राष्ट्रवादीचे नेते छगन भुजबळ यांच्यावर अन्याय झाला आहे अशी भावना सत्ताधारी पक्षातील नेते माजी मंत्री एकनाथ खडसे यांनी व्यक्त केली आहे. भुजबळांसोबत ओबीसींच्या समस्यासाठी एकत्रित लढा देणार असल्याचेही खडसेंनी जाहीर केले आहे.

ओबीसी नेत्यांना सक्रीय राजकारणातून दूर करण्याचे काम प्रयत्नपूर्वक सुरू आहेत, असा आरोप एकनाथ खडसेंनी केले. भाजपने ओबीसी समाजाला आश्वासने दिली, धनगर आरक्षण देण्याचे वचन दिले. चार वर्षे झाली आश्वासणे पूर्ण झाली नाहीत, त्यामुळे ओबीसी समाज नाराज झाला आहे. आता आम्ही २०१९ निवडणूक विकासावर लढवण्याचे ठरवले आहे. आता विकासाच्या मुद्द्यावर मत मागायचे असे म्हणताना ‘विकासाचा मुद्दा आला तर आश्वासनाणे काही उरत नाही’, असा उपहासात्मक टोलाही एकनाथ खडसे यांनी सरकारला लगावला आहे.