औरंगाबादचे जवान किरण थोरात शहीद

काश्मीर । पाकनने शस्त्रसंधीचे उल्लंघन करुन पुंछ आणि राजौरी जिल्ह्यात केलेल्याअंधाधुंद गोळीबारात औरंगाबादचे सुपूत्र किरण पोपटराव थोरात यांना विरमरण आले.

पाकिस्तानने बुधवारी पुंछमधील कृष्णा घाटीत शस्त्रसंधीचे उल्लंघन करत नियंत्रण रेषेजवळील भारतीय चौक्यांवर गोळीबार केला होता. त्यात किरण थोरात गंभीर जखमी झाले होते. त्यांच्या अंगावर अनेक जखमा झाल्या होत्या. मात्र उपचारापूर्वीच त्यांची प्राणज्योत मालवली. थोरात हे वैजापूर तालुक्यातील फकिराबादवाडी येथील रहिवासी आहेत.

दरम्यान, याआधीही पाकिस्तानी सैन्यानी नियंत्रण रेषेवर सुंदरबनी सेक्टरजवळ गोळीबार करत शस्त्रसंधीचे उल्लंघन केले होते. पाकने केलेल्या भ्याड हल्ल्यात रायफलमॅन विनोद सिंह आणि जाकी शर्मा शहीद झाले होते. भारतीय लष्करानेही गोळीबाराला जशाच तसे उत्तर दिले. सुंदरबनी सेक्टरजवळील भारतीय चौक्यांना पाकिस्तानी सैन्याने लक्ष्य केले होते.