कझाकिस्तानमध्ये विमान कोसळले; १४ जण ठार !

अल्माटी : कझाकिस्तानमध्ये १०० प्रवाशांना घेऊन जाणारे विमान कोसळले आहे. या घटनेत १४ जण ठार झाले आहे. अल्माटी विमानतळावर टेक ऑफ घेताना दोन मजली इमारतीवर हे विमान आदळले. यावेळी विमानात १०० प्रवासी प्रवास करत होते. यापैकी काही प्रवाशांना वाचवण्यात यश आले आहे. सध्या बचावकार्य सुरू आहे.

टेक ऑफ दरम्यान या विमानाला अपघात झाल्याची माहिती समोर आली आहे. अल्माटीवरून नूर सुल्तान या ठिकाणी जाताना हे विमान अपघातग्रस्त झाले. टेक ऑफ दरम्यान वैमानिकाचा विमानावरील ताबा सुटला आणि विमान नजिकच्या दोन मजली इमारतीवर जाऊन आदळल्याची माहिती समोर आली आहे. दरम्यान आपात्कालिन सेवा विमानतळावर दाखल झाल्या असून बचावकार्य सुरू करण्यात आलं आहे.