शिरपूर । तालुक्यातील प्रत्येक प्राथमिक आरोग्य व उपकेंद्रातील अधिकारी व कर्मचार्यांनी मुख्यालयी थांबणे बंधनकारक आहे. तसे न आढळल्यास कठोर कारवाई केली जाईल़ आदिवासी भागातील काही गावांमध्ये घरी प्रसूती होण्याचे प्रमाण अधिक आहे, ते कमी करावे अन्यथा निलंबनाची कारवाई करण्याचे संकेतही मुख्य कार्यकारी अधिकारी गंगाथरन देवराजन यांनी बैठकीत दिल़े येथील पंचायत समिती सभागृहात जिल्हा परिषदेचे मुख्य कार्यकारी अधिकारी गंगाथरन देवराजन यांनी आरोग्य विभागाचा आढावा घेतला़, त्या वेळी ते बोलत होते. या वेळी उपमुख्य कार्यकारी अधिकारी तुषार माळी, प्रभारी जिल्हा आरोग्य अधिकारी डॉ़ बाळासाहेब चव्हाण, डॉ़ आऱ व्ही़ पाटील, एम़ डी़ बागुल, डॉ़ प्रताप पवार, डॉ़ शीतल पाटील आदी उपस्थित होते.