कांदे, बटाटे, लसणाच्या भावात तेजी कायम
पुणे । छत्रपती शिवाजी महाराज मार्केट यार्डात सलग दुसर्‍या आठवड्यात फळभाज्यांची विक्रमी आवक झाली. ही हंगामातील सर्वोच्च आवक ठरली आहे. त्यातच शनिवारी रात्रीपासून सुरू झालेल्या पावसामुळे ग्राहकांनी खरेदीकडे पाठ फिरविली. त्यामुळे कांदा, बटाटा, आले आणि लसूण वगळता सर्वच फळभाज्यांच्या भावात घट झाली आहे. कांदा, बटाटा, आले आणि लसणाच्या भावातील तेजी कायम असल्याची माहिती व्यापारी विलास भुजबळ यांनी दिली.
रविवारी राज्य आणि परराज्यातून मिळून सुमारे 250 ट्रक भाजीपाल्याची आवक झाली. त्यामध्ये परराज्यातून आलेल्या मालामध्ये आंध्रप्रदेश आणि तामिळनाडू येथून 6 टेम्पो शेवगा, गुजरात आणि कर्नाटक येथून 20 टेम्पो हिरवी मिरची, इंदौर येथून 8 ट्रक गाजर, गुजरात आणि कर्नाटक येथून 8 ट्रक कोबीची आवक झाली. स्थानिक विभागातून सातारी आल्याची 1500 पोती, टॉमेटोची सहा हजार पेटी, फ्लॉवरची 20 टेम्पो, कोबीची 12 टेम्पो, सिमला मिरचीची 15 टेम्पो, तांबडा भोपळ्याची 12 टेम्पो, पावटाची 10 टेम्पो, भेंडीची 10 ते 15 टेम्पो, गवारची 10 ते 15 टेम्पो, भुईमुग शेंगाची 150 पोती, पुरंदर, वाई, सातारा आणि पारनेर येथून मटारची 800 पोती, कांद्याची 80 ट्रक, आग्रा, इंदौर आणि गुजरात येथून मिळून बटाट्याची 60 ट्रक आवक झाली. मध्यप्रदेश आणि गुजरात येथून लसणाची सुमारे 5 हजार गोणीची आवक झाली.
फळभाज्यांचे दहा किलोचे भाव
कांदा : 200-260, बटाटा : 60-80, लसूण : 250-450, आले सातारी : 180-200, भेंडी : 100-120, गवार : गावरान व सुरती 150-250, टोमॅटो : 200-300, दोडका : 100-200, हिरवी मिरची : 200-300, दुधी भोपळा : 50-100, चवळी : 100-150, काकडी : 40-80, कारली : हिरवी 100-200, पांढरी : 70-80 मटार : स्थानिक :240-260, पावटा : 150-200, भुईमूग शेंगा 250-350, तांबडा भोपळा : 60-100, सुरण :250-300, मका कणीस : 50-100, नारळ (शेकडा) : 1000-1600. , पापडी : 100-150, पडवळ : 150-200, फ्लॉवर : 60-80, कोबी : 80-120, वांगी : 100-200, डिंगरी : 100-150, नवलकोल : 100-150, ढोबळी मिरची : 100-200, तोंडली : कळी 150-200, जाड : 80-90, शेवगा : 200-300, गाजर : 160-180, वालवर : 150-200, बीट : 100-140, घेवडा : 100-200, कोहळा : 100-150
मेथी जुडी 20 रुपयांना
मेथीची आवक घटली. तुलनेत मेथीला मागणी अधिक असल्याने भावात वाढ झाली. घाऊक बाजारात मेथीच्या जुडीस 8 ते 12 रुपये भाव मिळत आहे. तर किरकोळ बाजारात मेथीच्या जुडीला 15 ते 20 रुपये भाव आहे. रविवारी येथील बाजारात कोथिंबिरीची पावणेे दोन लाख जुडी, तर मेथीची 30 हजार जुडी आवक झाली. इतर पालेभाज्यांची मोठी आवक झाली असून, पालेभाज्यांचे भावात गेल्या आठवड्याच्या तुलनेत घट झाली असल्याची माहिती व्यापार्‍यांनी दिली.
पालेभाज्यांचे शेकड्यातील भाव
कोथिंबीर : 200-600, मेथी : 800-1200, शेपू : 200-500, कांदापात : 800, चाकवत : 500-700, करडई : 400-500, पुदिना : 400-500, अंबाडी :500-600, मुळे : 800, राजगिरा : 400-500, चुका : 400-500, चवळई : 500-800, पालक : 500-700.
लिंबू, सीताफळ महागले
आवक वाढल्यामुळे कलिंगड, सफरचंद आणि खरबुजाच्या भावात गेल्या आठवड्याच्या तुलनेत सुमारे 30 ते 40 टक्क्यांनी घट झाली आहे. तर आवक घटल्यामुळे लिंबू आणि सीताफळाच्या भावात मात्र वाढ झाली आहे. आवक आणि मागणी यातील समतोलामुळे उर्वरित सर्वच फळांचे भाव मागील आठवड्याच्या तुलनेत स्थिर असल्याची माहिती व्यापार्‍यांनी दिली आहे. येथील बाजारात रविवारी अननसची तीन ट्रक, मोसंबीची 50 टन, संत्र्याची 1 टन, डाळिंबाची 100 ते 120 टन, पपई 15 ते 20 टेम्पो, लिंबाची 3 ते साडे तीन हजार गोणी, चिक्कू 500 बॉक्स, पेरूची 400 ट्रे, कलिंगडाची 20 ते 25 टेम्पो
फुलांच्या दरात घट
फुलबाजारात जिल्ह्याच्या विविध भागातून फुलांची आवक होत आहे. मात्र, आवकच्या तुलनेत मागणी घटल्याने सर्व प्रकारच्या फुलांच्या दरात 30 ते 40 टक्क्यांनी घट झाली. फुलबाजारात झेंडूच्या फुलांची सर्वाधिक आवक होत आहे. गेल्या तीन दिवसांपासून फुलांना घटलेली मागणी कायम असून येत्या दोन दिवसांत ग्राहकांकडून मागणी वाढेल असे व्यापार्‍यांनी सांगितले. शनिवारी सायंकाळपासून पावसाने जिल्ह्यात सर्वदूर हजेरी लावली असून ही परिस्थिती कायम राहिल्यास त्याचा फटका झेंडू व शेवंती सारख्या फुलांना बसण्याची शक्यता वर्तविण्यात येत आहे. तर, गुलछडी आणि लिली आदी फुलांचा त्यावर कोणताही परिणाम होणार नसून त्याची आवक कायम
राहिल, असेही त्यांनी सांगितले.
मासळीचे भाव पुढीलप्रमाणे (प्रतिकिलो)
पापलेट : कापरी : 1400, मोठे : 1000, मध्यम : 800, लहान : 700, भिला : 350, हलवा : 440-480, सुरमई : 400-480, रावस लहान : 500, मोठा : 600, घोळ : 480, करली : 240, करंदी सोललेली ) ः240, भिंग 280, पाला : 800-1400, वाम : 160-320, ओले बोंबील ः 60-100, कोळंबी : लहान : 240, मोठी : 400, जंबोप्रॉन्स : 1400, किंगप्रॉन्स : 700, लॉबस्टर : 1400, मोरी : 180-240, मांदेली : 100, राणीमासा : 160, खेकडे : 200, चिंबोर्या : 440-480. खाडीची मासळी : सौंदाळे : 240, खापी : 200, नगली : 280-480, तांबोशी : 440, पालू : 200, लेपा : 160, शेवटे : 200, बांगडा :120-160, पेडवी : 60, बेळुंजी : 100, तिसर्या : 160, खुबे : 120, तारली : 80-100,. नदीची मासळी : रहू : 140, कतला : 140, मरळ : 360, शिवडा : 160, चिलापी : 60, मांगूर : 120, खवली : 160, आम्ळी : 80, खेकडे : 160, वाम : 400.
मटण : बोकडाचे : 440, बोल्हाईचे : 440, खिमा : 440, कलेजी : 480. चिकन : चिकन : 130, लेगपीस : 160, जिवंत कोंबडी : 100, बोनलेस : 230. अंडी : गावरान : शेकडा : 650, डझन : 90 प्रति नग : 7.5. इंग्लिश : शेकडा : 385 डझन : 54 प्रतिनग : 4.50.