कारागृह अधीक्षक, शिपायास पोलीस कोठडी

जळगाव । जळगाव कारागृहातील कारागृह अधीक्षक दिलीपसिंग तेजसिंग डाबेराव तसेच कारागृह शिपाई बापू नामदेव आमले यांना दोन हजारांची लाच घेताना लाचलुचपत प्रतिबंधक विभागाच्या पथकाने शुक्रवारी पकडले होते. त्यांना शनिवारी अतिरीक्त सत्र न्यायाधीश के. पी. नांदेडकर यांच्या न्यायालयात हजर केले असता त्यांनी दोन दिवसांची कोठडी सुनावली आहे.

दोन हजारांची लाच घेतांना अटक
प्राणघातक हल्ल्याच्या गुन्ह्यात न्यायालयीन कोठडीत असलेल्या संशयित आरोपीला जिल्हा सामान्य रुग्णालयात दाखल करण्यासाठी कारगृह अधीकांनी दोन हजारांची लाच घेतली होती. या प्रकरणी एसीबीचे डिवायएपी पराग सोनवणे यांच्या पथकाने शुक्रवारी सकाळी 8 वाजता सापळा रचून कारागृह अधीक्षक दिलीपसिंग डोबेराव व शिपाई बापू आमले या दोघांना रंगेहाथ अटक केली होती. त्यानंतर त्यांच्या घरांची झाडाझडती धेण्यात आली होती. यानंतर पोलिसांनी दोघांना शनिवारी न्यायाधीश के.पी. नांदेडकर यांच्या न्यायालयात हजर केले.तसेच या प्रकरणाचा तपास करण्यासाठी पोलिसांनी तीन दिवसांची पोलिस कोठडी मागितली असता त्यांनी दोन दिवसांची पोलिस कोठडी सुनावली आहे. सरकारतर्फे अ‍ॅड. मोहन देशपांडे यांनी कामकाज पाहिले. दरम्यान, न्यायालयातर्फे डाबेराव यांच्यावर अनेक प्रश्‍नांचा भडीमारही करण्यात आला हेाता.