कालबद्ध आणि निश्चित वेळेत आरक्षण देऊ-मुख्यमंत्री

मुंबई-राज्य सरकार मराठा आरक्षणाबाबत सकारात्मक असून कालबद्ध आणि निश्चित वेळेत आरक्षण देऊ, अशी ग्वाही गुरुवारी मुख्यमंत्री देवेंद्र फडणवीस यांनी दिली आहे. सह्याद्री अतिथीगृहात मराठा आरक्षणासंदर्भात आयोजित मान्यवरांच्या बैठकीतील चर्चेनंतर त्यांनी सांगितले. त्याचबरोबर कुठल्याही आंदोलनादरम्यान हिंसा करु नये तसेच आत्महत्येचे पाऊल कोणीही उचलू नये, असे आवाहनही त्यांनी केले आहे.

या बैठकीला उपस्थित मान्यवरांनी राज्य सरकारला आरक्षणासंदर्भात अनेक महत्वपूर्ण सूचना केल्या. यामध्ये कायद्याबाबतच्या काही तृटींवरही चर्चा झाली. यावरही विचार करण्यात येणार असल्याचे मुख्यमंत्र्यांनी सांगितले.