काळवीट शिकारप्रकरणी सलमानला बजावले समन्स

जोधपूर । काळवीट शिकारप्रकरणी जोधपूर न्यायालयाने अभिनेता सलमान खान आणि अन्य आरोपींना 25 जानेवारीपूर्वी न्यायालयासमोर हजर राहावे असे आदेश दिले आहेत. अभिनेत्री नीलम, तब्बू, सोनाली बेंद्रे आणि अभिनेता सैफ अली खान हादेखील या प्रकरणातील आरोपी आहे. काळवीट शिकार प्रकरणाने सलमान अडचणीत आला होता. राजस्थान उच्च न्यायालयाने गेल्यावर्षी जुलैमध्ये सलमानची काळवीट शिकार प्रकरणातून निर्दोष सुटका केली होती. न्यायालयाने सलमानच्या परदेशवारीवर निर्बंध घातले होते. मात्र राजस्थान सरकारने याविरोधात पुन्हा सर्वोच्च न्यायालयात याचिका दाखल केली होती. 1998 मध्ये ‘हम साथ साथ है’ चित्रपटाच्या चित्रिकरणादरम्यान सलमान व त्याच्या सहकार्‍यांनी चिंकारा काळविटाची शिकार केल्याचा आरोप आहे. 2 ऑक्टोबर 1998 रोजी याप्रकरणी गुन्हा दाखल करण्यात आला होता.